Russia Ukraine War: धाकधूक वाढली, रशियन सैन्यात भरती झालेल्या 16 भारतीय बेपत्ता; आतापर्यंत 12 जणांचा मृत्यू

बिनील (32) आणि जैन (27) हे दोघे आयटीआय यांत्रिक डिप्लोमा धारक होते आणि ते 4 एप्रिल रोजी रशियात इलेक्ट्रिशियन आणि नळकामगार म्हणून काम मिळवण्यासाठी गेले होते. मात्र, रशियात पोहोचताच त्यांचे भारतीय पासपोर्ट जप्त करण्यात आले आणि त्यांना रशियन सैन्याच्या सहाय्यक सेवेत युद्धक्षेत्रात पाठवण्यात आले.काही एजंटांनी नोकरी आणि रशियन पासपोर्टच्या आमिषाने भारतीय नागरिकांना फसवून रशियन सैन्यात भरती केल्याचे वृत्त आहे. मागील वर्षी मे महिन्यात यासंदर्भात चार मानवतस्करांना अटक करण्यात आली होती.