29 वर्षीय रश्मिकावर भारी पडली 51 वर्षांची मलायका; चाहतेही फिदा VIDEO

'थामा' या चित्रपटाच्या 'पॉइजन बेबी' या नव्या गाण्यात मलायका अरोरा आणि रश्मिका मंदाना दोघीही प्रमुख भूमिकेत दिसत आहेत. हे गाणं जॅस्मिन सैंडलस, सचिन-जिगर आणि दिव्या कुमार यांनी गायलं आहे. गाण्याची सुरुवात मलायकाच्या दमदार डान्सने होते, त्यानंतर आयुष्मान खुरानाच्या पात्राची एन्ट्री होते आणि मग रश्मिका मंदानाही झळकते.

'थामा' हा एक रोमँटिक-कॉमेडी हॉरर चित्रपट असून, तो मॅडॉक हॉरर कॉमेडी युनिव्हर्सचा पाचवा भाग आहे. आदित्य सरपोतदारने या चित्रपटाच्या दिग्दर्शनाची धुरा सांभाळली आहे. पटकथा नीरेन भट्ट, सुरेश मॅथ्यू आणि अरुण फलारा यांनी लिहिली आहे. या चित्रपटात आयुष्मान खुराना आणि रश्मिका मंदाना पहिल्यांदाच एकत्र स्क्रीन शेअर करताना दिसणार आहेत. त्यांच्यासोबत नवाजुद्दीन सिद्दीकी आणि परेश रावल यांसारखे दिग्गज कलाकारही महत्त्वाच्या भूमिकांमध्ये झळकणार आहेत. 'थामा' ही अनोख्या प्रेमकथेवर आधारित आहे, ज्यात आयुष्मान खुराना रश्मिकाशी भेटल्यानंतर व्हँपायर बनतो आणि त्याला अलौकिक शक्ती प्राप्त होतात. ‘थामा’ हा चित्रपट 21 ऑक्टोबरला दिवाळीच्या मुहूर्तावर थिएटरमध्ये प्रदर्शित होणार आहे.