Setu Kendra: दाखला काढायचं टेन्शनच नाही, आता सेतु केंद्रच येणार दारी, मुंबईत अनोखा उपक्रम

मुंबई: विविध सरकारी आणि खासगी कामासाठी आधार कार्ड, पॅन कार्ड आणि जातीच्या दाखल्यासारख्या कागदपत्रांची गरज पडते. ही कागदपत्रे काढण्यासाठी अनेकदा नागरिकांना सेतु केंद्रात चकरा माराव्या लागतात. नागरिकांचा हा ताण कमी व्हावा आणि त्यांना घराजवळच आवश्यक ती कागदपत्रे उपलब्ध व्हावीत यासाठी मुंबईत एक उपक्रम राबवण्यात आला आहे. मुंबई उपनगर जिल्हाधिकारी कार्यालयाने फिरती 'सेतु' केंद्र सुरू केली आहेत. बुधवारी (17 सप्टेंबर) पालकमंत्री आणि माहिती-तंत्रज्ञान आणि सांस्कृतिक कार्य मंत्री अॅड. आशिष शेलार यांच्या हस्ते या उपक्रमाचं उद्घाटन करण्यात आलं.