Trending:

4 वर्षात 1 हजार 162 दिवस कामाला दांडी, मुंबईतल्या पोलिस शिपायाचा सुट्ट्यांचा वर्ल्ड रेकॉर्ड; DCPनी सवयच कायमची मोडली

Published by:Jaykrishna Nair

Last Updated:November 19, 2025 9:13 PM IST

Police Constable: कफ परेड पोलीस ठाण्यातील शिपाई सुनील खडपे यांना तब्बल 1,162 दिवस अनधिकृतपणे गैरहजर राहिल्यामुळे सेवेतून बडतर्फ करण्यात आले आहे. शिपाई घरी नसल्याने, बडतर्फीचा आदेश त्यांच्या निवासस्थानाच्या दरवाज्यावर चिकटवण्यात आला.

इम्पॅक्ट शॉटतुमचा गेटवे लेटेस्ट न्यूज

मुंबई: कफ परेड पोलीस ठाण्यात कार्यरत असलेला शिपाई सुनील मधुकर खडपे यांना नुकतेच सेवेतून बडतर्फ (Dismissed from Service) करण्यात आले आहे. 2020 ते 2024 या काळात विविध टप्प्यांमध्ये एकूण 1,162 दिवस अधिकृत परवानगीशिवाय गैरहजर राहिल्यामुळे त्याच्यावर ही कठोर कारवाई करण्यात आली. पोलीस उपायुक्त (झोन 1) डॉ. प्रवीण मुंडगे यांनी नुकताच हा बडतर्फीचा आदेश जारी केला.

नियमीत दांड्या

आदेशानुसार खडपे प्रथम 9 ऑगस्ट 2020 ते 4 मे 2023 या सलग 998 दिवसांसाठी गैरहजर आढळले होते. अधिकाऱ्यांनी दिलेल्या माहितीनुसार, त्यांना स्पष्टीकरण देण्यासाठी वारंवार संधी देण्यात आली असतानाही खपडे नियमीतपणे दांड्या मारत राहिले. याबाबत कारवाईचा इशारा मिळाल्यानंतरही ते पुन्हा दोन अतिरिक्त टप्प्यांमध्ये कर्तव्यावर गैरहजर राहिले. 28 जुलै 2023 ते 24 नोव्हेंबर 2023 (120 दिवस) आणि 7 ऑगस्ट 2024 ते 19 सप्टेंबर 2024 (44 दिवस) अशा दोन कालावधीत ते कामावर आले नाहीत.

विभागीय चौकशी आणि बडतर्फ

सेवा आणि रजेच्या रेकॉर्डची तपासणी करताना वरिष्ठ अधिकाऱ्यांच्या लक्षात आले की खडपे यांनी 'अनधिकृत गैरहजर राहण्याची सवय' लावून घेतली आहे. यामुळे 3 जानेवारी 2025 रोजी त्याच्यावर विभागीय चौकशी (Departmental Inquiry) सुरू करण्यात आली. चौकशी अहवाल सादर झाल्यानंतर आणि आवश्यक मंजुरी मिळाल्यानंतर या वर्षाच्या ऑक्टोबरच्या शेवटच्या आठवड्यात डीसीपींनी औपचारिक बडतर्फीचा आदेश जारी केला.

सेवेतून बडतर्फ

बडतर्फीचा आदेश बजावण्यासाठी पोलीस पथक नोव्हेंबरच्या पहिल्या आठवड्यात खडपेच्या घरी गेले, तेव्हा तो घरी नव्हते. कार्यपद्धतीनुसार दोन स्वतंत्र साक्षीदारांच्या उपस्थितीत हा आदेश त्याच्या निवासस्थानाच्या दर्शनी भागावर चिकटवण्यात आला आणि पंचनामा (Panchnama) तयार करण्यात आला. हा अंतिम आदेश घरी चिकटवल्याच्या तारखेपासून खडपेला 'सेवेतून बडतर्फ' मानले जाईल, असे आदेशात स्पष्ट नमूद आहे. एका वरिष्ठ अधिकाऱ्यांनी स्पष्ट केले की, शिपायाच्या या अनियमित वर्तनामुळे इतरांना धडा मिळावा यासाठी ही कठोर शिस्तभंगाची कारवाई करणे आवश्यक होते.

view comments

Location :

Mumbai,Maharashtra

First Published :

November 19, 2025 8:47 PM IST

4 वर्षात 1 हजार 162 दिवस कामाला दांडी, मुंबईतल्या पोलिस शिपायाचा सुट्ट्यांचा वर्ल्ड रेकॉर्ड; DCPनी सवयच कायमची मोडली