याला म्हणतात नशीब! डिसेंबरमध्ये गजकेसरी योग, या राशी वर्षाअखेर होणार मालामाल

वैदिक ज्योतिषशास्त्रात गजकेसरी राजयोगाला अत्यंत शुभ आणि सामर्थ्यशाली योग मानले जाते. हा योग तेव्हा निर्माण होतो, जेव्हा गुरु आणि चंद्र एकाच राशीत एकत्र येऊन युती करतात. 2025 वर्षाच्या अखेरीस, विशेषतः 8 डिसेंबर रोजी, हा अद्भुत आणि शक्तिशाली योग कर्क राशीत निर्माण होणार आहे. सध्या गुरु आपल्या उच्च राशीत म्हणजेच कर्क राशीत प्रवेश करणार असून, त्याच दिवशी चंद्रदेखील कर्क राशीत संचरित होणार आहे. जलतत्वाशी संबंधित असलेल्या या दोन ग्रहांच्या भेटीमुळे नशिबात चांगल्या घटना, आर्थिक वृद्धी आणि मानसिक शांतता लाभण्याची शक्यता वाढते.

गुरु हा ज्ञान, सुविचार, संपत्ती आणि धर्माचा कारक मानला जातो, तर चंद्र मन, भावना, शांती आणि सुख यांचे प्रतिनिधित्व करतो. त्यामुळे या दोन ग्रहांच्या युतीचा परिणाम जीवनात सकारात्मक बदल घडविणारा असतो. अनेक राशींवर या योगाचा विशेष प्रभाव दिसून येणार आहे. 8 डिसेंबरपासून सुरू होणारा गजकेसरी राजयोग तीन प्रमुख राशींना विशेष लाभ देणार आहे.

<strong>मिथुन -</strong> गजकेसरी राजयोग मिथुन राशीच्या दुसऱ्या भावात जुळत असल्याने हा काळ आर्थिक वृद्धीसाठी शुभ ठरणार आहे. उत्पन्नाच्या नवीन संधी उपलब्ध होतील, नवी गुंतवणूक फायदेशीर ठरेल आणि पैशांशी संबंधित अडथळे दूर होतील. कुटुंबात आनंद वाढेल आणि वाद-विवाद शांत होतील. समाजात प्रतिष्ठा वाढेल आणि निर्णयक्षमता मजबूत होईल. शासकीय क्षेत्रात किंवा व्यवसायात काम करणाऱ्यांसाठी ही वेळ विशेष लाभदायी ठरणार आहे.

<strong>कन्या -</strong> कन्या राशीत हा योग अकराव्या भावात निर्माण होत आहे आणि हा भाव लाभ व इच्छापूर्तीचा मानला जातो. त्यामुळे दीर्घकाळांपासून मनात असलेली स्वप्ने पूर्ण होण्याची शक्यता आहे. करिअरमध्ये नवीन संधी, पदोन्नती किंवा पगारवाढ मिळू शकते. जुनी अपूर्ण कामे पूर्ण होतील. नवीन मित्र, सहकारी आणि लाभदायक नाती निर्माण होतील. मुलांबाबत शुभ बातमी मिळू शकते. व्यापारी वर्गासाठी हा काळ विस्तार आणि नफ्याचा आहे. प्रवासाचे योगही बलवान दिसत आहेत.

तूळ - हा योग तूळ राशीच्या दहाव्या भावात जुळत आहे आणि दहावा भाव करिअर, प्रतिष्ठा आणि कर्तृत्वाचा कारक असतो. त्यामुळे नोकरीत महत्त्वाची कामगिरी, वरिष्ठांकडून कौतुक आणि जबाबदारीची वाढ दिसू शकते. व्यवसायात मोठे करार मिळण्याची शक्यता आहे. घरामध्ये सौहार्दपूर्ण वातावरण राहील आणि ज्येष्ठांचा पाठिंबा मिळेल. अडथळे दूर होतील आणि निर्णय घेण्यात आत्मविश्वास वाढेल. सरकारी कामे गतीने पूर्ण होतील.

<strong>(सदर बातमी फक्त माहिती करिता असून न्यूज 18 मराठी कुठलाही दावा करत नाही) </strong>