Monthly Horoscope: धनु, मकर, कुंभ, मीन राशींचे मासिक राशीभविष्य; फेब्रुवारी चिंता वाढवणार? कोणाला लॉटरी
- Published by:Ramesh Patil
Last Updated:
Monthly Horoscope: नवीन महिना सुरू झाला की त्याकडून प्रत्येकाला काही नव्या अपेक्षा असतात. फेब्रुवारी महिन्यात ज्योतिषीय घटनांचा राशीचक्रावर मोठा परिणाम दिसेल. 06 फेब्रुवारी रोजी सूर्य धनिष्ठा नक्षत्रात, 07 फेब्रुवारी रोजी बुध शतभिषा नक्षत्रात आणि 11 फेब्रुवारी रोजी शुक्र शतभिषा नक्षत्रात प्रवेश करेल. त्यानंतर 13 फेब्रुवारी रोजी सूर्य देखील कुंभ राशीत प्रवेश करेल, त्यानं बुधादित्य आणि शुक्रादित्य यांच्यासह चतुर्ग्रही योग तयार होत आहे. यासोबतच 15 फेब्रुवारी रोजी मंगळ धनिष्ठा नक्षत्रात प्रवेश करेल आणि बुध पूर्वभाद्रपदात प्रवेश करेल. 22 फेब्रुवारी रोजी शुक्र पूर्वभाद्रपद नक्षत्रात प्रवेश करेल आणि शनि उत्तरभाद्रपद नक्षत्राच्या दुसऱ्या पदात प्रवेश करेल. 23 फेब्रुवारी रोजी मंगळ देखील कुंभ राशीत प्रवेश करेल. फेब्रुवारीच्या शेवटी बुध कुंभ राशीतच वक्री होईल. याशिवाय केतू सिंह राशीत राहील आणि शनि मीन राशीत राहील. फेब्रुवारी महिन्याभरातील एकंदरीत ग्रहस्थितीनुसार धनु, मकर, कुंभ, मीन राशींचे मासिक राशीफळ जाणून घेऊया.
धनू - धनू राशीसाठी हा महिना यश आणि शुभ वार्तांचा असेल. करिअर आणि व्यवसायाशी संबंधित चांगली बातमी पहिल्याच आठवड्यात मिळेल. परदेशात जाऊन काम किंवा शिक्षण घेण्याचे स्वप्न पाहणाऱ्यांना यश मिळेल. आयटी क्षेत्राशी संबंधित लोकांसाठी हा काळ अतिशय फायदेशीर ठरेल. कोर्टातील प्रलंबित प्रकरणे तुमच्या बाजूने सुटतील. मालमत्तेच्या व्यवहारातून चांगला नफा मिळण्याची शक्यता आहे.
advertisement
धनू - महिन्याच्या मध्यात आर्थिक व्यवहारांत सावध राहा; चैनीच्या वस्तू किंवा घरदुरुस्तीवर क्षमतेपेक्षा जास्त खर्च केल्याने आर्थिक अडचण येऊ शकते. भागीदारीत व्यवसाय करत असाल तर व्यवहार पारदर्शक ठेवा. कोणावरही अंधश्रद्धा ठेवून पैशांची गुंतवणूक करू नका. महिन्याच्या उत्तरार्धात मोठी जीवनसमस्या सुटल्याने मानसिक शांती मिळेल. शत्रूंचा पराभव होईल. प्रेमसंबंधात तुमचा प्रस्ताव स्वीकारला जाईल. अविवाहित लोकांच्या विवाहाची बोलणी पुढे सरकतील आणि वैवाहिक आयुष्य सुखमय राहील.
advertisement
मकर - मकर राशीच्या लोकांसाठी हा महिना संमिश्र परिणाम देणारा असेल. सुरुवातीला करिअरमधील अडथळे तुमच्या त्रासाचे कारण बनू शकतात. आर्थिकदृष्ट्या हा काळ थोडा कठीण असेल आणि अनपेक्षित खर्च वाढतील. मात्र, दुसऱ्या आठवड्यानंतर परिस्थिती हळूहळू सुधारेल. कोणत्याही व्यवसायात गुंतवणूक करण्यापूर्वी हितचिंतकांचा सल्ला आवर्जून घ्या. जमीन-जुमल्याशी संबंधित जुने वाद प्रभावशाली व्यक्तीच्या मध्यस्थीने सुटतील. व्यावसायिकांना त्यांचे अडकलेले पैसे परत मिळतील. महिन्याच्या मध्यात तुमचा आत्मविश्वास वाढेल आणि नियोजित कामे वेळेत पूर्ण होतील. नोकरीच्या ठिकाणी वरिष्ठांचे सहकार्य लाभेल. आर्थिक स्थिती सुधारल्याने तुम्ही सुरक्षित अनुभवाल. कुटुंबातील गैरसमज दूर होतील. प्रेमसंबंधात मात्र तिसऱ्या व्यक्तीच्या हस्तक्षेपामुळे वाद होणार नाहीत याची काळजी घ्या. जोडीदाराच्या भावनांचा आदर केल्यास नाते दृढ होईल. आरोग्याबाबत अधिक सतर्क राहण्याची गरज आहे, जुने आजार पुन्हा त्रास देऊ शकतात.
advertisement
कुंभ - कुंभ राशीच्या व्यक्तींनी या महिन्यात नशिबावर अवलंबून न राहता स्वतःच्या कष्टांवर विश्वास ठेवला पाहिजे. आपली कामे इतरांवर सोपवण्यापेक्षा ती स्वतः पूर्ण करण्यावर भर द्या, अन्यथा नुकसान होऊ शकते. नोकरीत कामाची टाळाटाळ करणे टाळा. शेअर बाजार, सट्टा किंवा लॉटरी यांसारख्या जोखमीच्या व्यवहारांपासून महिन्याच्या सुरुवातीला दूर राहिलेलेच बरे. खर्चावर नियंत्रण ठेवा, अन्यथा महिन्याच्या शेवटी आर्थिक ओढाताण होऊ शकते. गुप्त शत्रूंपासून सावध राहा, ते तुमची प्रतिमा मलिन करण्याचा किंवा कामात खोडा घालण्याचा प्रयत्न करतील.
advertisement
कुंभ - महिन्याच्या मध्यात रागावर ताबा ठेवा आणि वादात पडू नका, अन्यथा तुम्ही तुमच्या मुख्य ध्येयापासून भरकटू शकता. कोणताही निर्णय भावनेच्या भरात किंवा घाईघाईत घेऊ नका. वाहन चालवताना अत्यंत सावधानता बाळगा, अपघाताची शक्यता नाकारता येत नाही. प्रेमसंबंधात जोडीदाराची साथ मिळेल आणि परस्पर विश्वास वाढेल. वैवाहिक जोडीदार तुम्हाला पूर्ण पाठिंबा देईल.
advertisement
मीन - मीन राशीच्या लोकांसाठी फेब्रुवारी महिना प्रगतीच्या अनेक नवीन संधी घेऊन येत आहे. या संधींचे सोने करण्यासाठी तुम्हाला वेळेचे योग्य नियोजन करावे लागेल. कामाच्या ठिकाणी विरोधक किंवा स्पर्धक तुम्हाला त्रास देण्याचा प्रयत्न करतील, पण तुम्ही तुमच्या बुद्धिमत्तेने आणि धैर्याने त्यावर मात कराल. नशिबाची साथ दुसऱ्या आठवड्यापासून मिळण्यास सुरुवात होईल. बेरोजगार लोकांना चांगल्या नोकरीच्या संधी उपलब्ध होतील. पगारदार व्यक्तींच्या उत्पन्नात वाढ होईल.
advertisement
मीन राशीच्या लोकांचा महिन्याच्या मध्यात उत्साह आणि आत्मविश्वास वाढलेला असेल, ज्यामुळे तुम्ही कठीण कामेही सहज पूर्ण कराल. व्यवसायात अपेक्षेप्रमाणे नफा मिळेल आणि व्यावसायिक प्रवास यशस्वी ठरतील. मुलांच्या एखाद्या यशामुळे समाजात तुमची प्रतिष्ठा वाढेल. प्रेमसंबंधांच्या बाबतीत हा महिना अतिशय शुभ असून नाते अधिक घट्ट होईल. वैवाहिक जीवन सुसंवादी राहील आणि जोडीदारासोबत आनंदाचे क्षण घालवण्याची संधी मिळेल. आरोग्याबाबत उत्तरार्धात अधिक जागरूक राहा.(सूचना : येथे दिलेली माहिती ज्योतिषीय ज्ञानावर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)
