Astrology: भाग्योदयासाठी नोव्हेंबरची 23 तारीख फिक्स! शुक्र-बुधाची स्थिती या राशींचा कायापालट करेल

द्रिक पंचागानुसार 23 नोव्हेंबर रोजी तूळ राशीत बुध-शुक्राची खास युती होत आहे त्यामुळे लक्ष्मी-नारायण योग तयार होत आहे. ज्योतिषशास्त्रीय दृष्टीकोनातून या संयोगाला विशेष महत्त्व आहे. याचा कोणत्या राशींना फायदा होईल, याविषयी जाणून घेऊ.

मेष -मेष राशीच्या लोकांना या युतीचा लाभ होणार आहे. या ग्रहांची युती तुमच्या जीवनात नवीन आशा आणि सकारात्मक परिणाम देईल. दीर्घकाळ अडकून पडलेली कामं आता गती घेतील. वैवाहिक समज आणि प्रेम वाढेल, रिलेशन अगदी छान होतील. हा काळ व्यावसायिकांसाठी फायदेशीर ठरेल, नवीन गुंतवणूक आणि करारांमुळे आपली आर्थिक परिस्थिती भक्कम होईल.

तूळ - शुभ योगाचा परिणाम तूळ राशीच्या लोकांवर चांगला होईल. तूळ राशीसाठी ही ग्रहांची युती अत्यंत शुभ राहील. नोकरी करणाऱ्या लोकांना कामावर नवीन भूमिका आणि पदोन्नतीच्या संधी मिळू शकतात. विद्यार्थी अभ्यासावर अधिक लक्ष केंद्रित करतील. स्पर्धा परीक्षांमध्ये यश मिळण्याची शक्यता जास्त आहे. मालमत्ता गुंतवणूक फायदेशीर ठरेल, सगळ्यात महत्त्वाचे म्हणजे कुटुंबात आनंद आणि सुसंवादाचे वातावरण राहील.

कुंभ - कुंभ राशीसाठी शुक्र आणि बुधाची ही युती शुभ ठरेल. जीवनात सकारात्मक बदल दिसून येतील. आतापर्यंत रखडलेली कामे हळूहळू पूर्ण होऊ लागतील. तुम्हाला एक विश्वासार्ह व्यावसायिक भागीदार मिळण्याची शक्यता आहे. त्याच्या जोडीनं तुम्हाला खूप चांगला नफा मिळू शकतो. करिअरच्या नवीन संधी निर्माण होतील. कौटुंबिक जीवनात सुसंवाद वाढेल, ज्यामुळे समाधान आणि आनंद मिळेल.

नेमकी युती अशी - पंचांगानुसार, शुक्रानं 2 नोव्हेंबर रोजी तूळ राशीत प्रवेश केलाय, 6 नोव्हेंबरपर्यंत तिथेच राहील. दरम्यान, ग्रहांचा राजकुमार बुध देखील 23 नोव्हेंबर रोजी संध्याकाळी 7:58 वाजता तूळ राशीत प्रवेश करेल. यामुळे 23 नोव्हेंबर रोजी तूळ राशीत शुक्र आणि बुध यांच्यात विशेष संयोग होईल, ज्यामुळे लक्ष्मी -नारायण योग जुळून येईल.(सूचना : येथे दिलेली माहिती ज्योतिषीय ज्ञानावर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)