Car Care : उन्हात गाडी चालवताय? तर 'या' गोष्टींची घ्या काळजी, नाहीतर कारमध्ये होईल स्फोट!

उन्हाळ्यात चारचाकी चालवत असताना काही गोष्टींची काळजी घेणं आवश्यक आहे, अन्यथा मोठं नुकसान होण्याची शक्यता असते. तर पहिला नियम म्हणजे गाडीला उन्हापासून वाचवायचं. आपण गाडी चालवून आलो की, तिला सावलीत पार्क करायची. जर गाडी उन्हात उभी केली तर ती खूप तापते. जास्त तापल्यामुळे काही वेळा स्फोट होण्याची शक्यता असते आणि इतर नुकसानही होऊ शकतं.

दुसरी महत्त्वाची गोष्ट म्हणजे गाडीचं इंजिन ऑईल आणि ब्रेक ऑईल वेळोवेळी तपासत राहायचं. उन्हाळ्यात या गोष्टी गाडीत लवकर कमी होतात. त्यामुळे जर ब्रेक आणि इंजिन ऑईल कमी असेल तर गाडीत काहीतरी अडचणी येऊ शकतो आणि अपघात होण्याची शक्यता असते. म्हणून हे तेल नेहमी तपासायचं.

तिसरी गोष्ट आहे गाडीच्या टायरची काळजी घेणं. टायरमध्ये गरजेपेक्षा जास्त हवा भरायची नाही. जर तुम्ही गाडी चालवत असाल तर पुढच्या टायरमध्ये 30 ते 32 टक्के आणि मागच्या टायरमध्ये 40 टक्क्यांपेक्षा जास्त हवा ठेवू नका. त्याचबरोबर जर टायरच्या ट्यूबला पंक्चर झाला असेल तर ती ट्यूब गाडी चालवताना वापरू नका, नाहीतर टायर फुटू शकतो.

आता बघूया गाडी पार्क करताना काय करायचं. जेव्हा तुम्ही गाडी पार्क करता तेव्हा तिच्या काचा थोड्या उघड्या ठेवा. सगळ्या काचा पूर्णपणे बंद ठेवल्या तर गाडीच्या आत हवा कोंडली जाते आणि सीट गरम होतात. जास्त उन्हात गाडी पार्क केल्यानंतर हवा कोंडली तर आग लागण्याची पण शक्यता असते. म्हणून गाडीच्या काचा थोड्या उघड्या ठेवा म्हणजे हवा खेळती राहील.

सतत गाडी चालवणं टाळायला हवं. काही लोकं दिवसभर गाडी चालवत राहतात आणि तिला विश्रांती देत नाहीत. जर तुम्ही दिवसातून सतत गाडी चालवत असाल तर प्रत्येक 300 किलोमीटरनंतर गाडीला अर्धा तास विश्रांती द्या. त्यामुळे इंजिन गरम होण्याची समस्या येणार नाही आणि तुम्ही आरामात गाडी चालवू शकाल.

आणि सगळ्यात महत्त्वाची गोष्ट म्हणजे गाडी चालवताना एसी, मीटर आणि इंजिनची काळजी घेणं. उन्हाळ्यात एसीमधून गॅस लीक होण्याची शक्यता असते. त्यामुळे एसीचा कंप्रेसर आणि गॅसची पाईप वेळोवेळी तपासा. त्याचबरोबर गाडीत हवा व्यवस्थित येत आहे की नाही हे पण बघा म्हणजे नुकसान टाळता येईल.

या छोट्या छोट्या गोष्टी लक्षात ठेवल्या तर आपण आपल्या गाडीची चांगली काळजी घेऊ शकतो आणि गाडीवर होणारा अनावश्यक खर्चही वाचवू शकतो.