KG Motors: एक सीट, 2 दरवाजे; इतकी छोटी कार की स्कुटर सुद्धा मोठी वाटेल!

जपानमधील सुझुकी कंपनी भारतात कार आणि दुचाकीचं मोठ्या प्रमाणात उत्पादन करत असते. ज्या जपानमधून ही कंपनी आली आहे, त्या देशात अशा अनेक कार उत्पादक कंपन्या आहे, ज्या एकापेक्षा एक अशा कार तयार करत असते. आधुनिक तंत्रज्ञान आणि दमदार प्रणालीसह कार मार्केटमध्ये सध्या पाहण्यास मिळत आहे. अशातच KG motors नावाच्या एका जपानी कंपनीने अशी कार आणली आहे, जी फक्त सिंगल ड्रायव्हिंग आहे. विशेष म्हणजे, ही कंपनी हिरोशिमाजवळील एका छोट्या गावातून आली आहे. 

हिरोशिमाजवळील एका छोट्या गावात KG motors या छोट्या कार कंपनीने एक अनोखी इलेक्ट्रिक कार बनवली आहे. या कारचे नाव “मिबोट” आहे. ही कार केवळ दिसण्यातच वेगळी नाही तर इतर कारपेक्षाही वेगळी आहे. मिबोट खूपच लहान, स्वस्त आणि फक्त एकाच व्यक्तीसाठी बनवलेली आहे. हे अशा प्रकारे डिझाइन केले आहे की ते सामान्य लोकांसाठी, विशेषतः खेड्यात राहणाऱ्यांसाठी खूप उपयुक्त ठरत आहे.

मिबोटमध्ये काय वेगळं? - मिबोट इतकी लहान आहे की ती गोल्फ कार्टसारखा वाटू शकते परंतु ती पूर्णपणे आधुनिक आणि पर्यावरणपूरक आहे. या कारची किंमत सुमारे ७ लाख रुपये आहे.

एकदा पूर्ण चार्ज केल्यानंतर ही कार १०० किलोमीटरपर्यंत धावू शकते. पूर्णपणे चार्ज होण्यासाठी फक्त ५ तास लागतात. या कारचा वेग ताशी ६० किलोमीटर आहे. ही कार गावातील अरुंद रस्त्यांसाठी आणि लहान रस्त्यांसाठी योग्य आहे.

 केजी मोटर्सचे संस्थापक काझुनारी कुसुनोकी यांच्याबद्दल माहिती देखील प्रकाशित केली आहे. कुसुनोकी आता ४३ वर्षांचा आहे. हिरोशिमाजवळील एका शहरात वाढले. त्यांनी पाहिले की, गावांमध्ये बस आणि टॅक्सींची संख्या कमी होत आहे आणि वृद्धांना प्रवास करण्यात खूप अडचणी येत आहेत. हा विचार मनात ठेवून, त्यांनी अशी कार तयार करण्याचा विचार केला. अशाप्रकारे मिबोटचा जन्म झाला. त्यांनी २०२२ मध्ये त्यांनी केजी मोटर्स सुरू केली आणि आतापर्यंत कंपनीला २,२५० हून अधिक ऑर्डर मिळाल्या आहेत. यातील बहुतेक ग्राहक असे आहेत ज्यांच्याकडे आधीच कार आहेत, परंतु त्यांना सोपी आणि परवडणारी दुसरी कार हवी होती.

 तंत्रज्ञानात जपान पुढे असला तरी, इलेक्ट्रिक वाहनांच्या बाबतीत तो जगाच्या तुलनेत थोडा मागे आहे. २०२३ मध्ये, इथं फक्त ३.५% वाहनं इलेक्ट्रिक होती, तर जागतिक सरासरी १८% होती. टोयोटासारख्या मोठ्या कंपन्यांनीही आतापर्यंत इलेक्ट्रिक वाहनांवर फारसं लक्ष केंद्रित केलेलं नाही. टोयोटाचा असा विश्वास आहे की, 'भविष्यात, इलेक्ट्रिक वाहनांसोबत, हायब्रिड आणि हायड्रोजनवर चालणाऱ्या वाहनांची देखील भूमिका असेल. कदाचित याच विचारसरणीमुळे, जपानमधील लोक अद्याप इलेक्ट्रिक वाहनांसाठी पूर्णपणे तयार नाहीत. पण जपानच्या अरुंद रस्त्यांसाठी मोठी वाहनं योग्य नाहीत, असं कुसुनोकी यांचं मत आहे. मिबोट सारखी हलकी आणि कॉम्पॅक्ट वाहने हा खरा उपाय आहे.

केजी कार्स लोकप्रिय - जपानमध्ये लहान कार नेहमीच भाव खाऊन जातात. यांना 'केई कार्स' म्हणतात. ही हलकी, लहान आणि कमी किमतींची आहेत. २०२३ मध्ये जपानमध्ये विकल्या गेलेल्या सर्व इलेक्ट्रिक वाहनांपैकी ५५ टक्के केई कार होत्या.

आणखी एक लोकप्रिय केई कार, निसान साकुरा, २०२४ मध्ये २३,००० युनिट्स विकली गेली. आता बीवायडी आणि ह्युंदाई सारख्या परदेशी कंपन्या देखील जपानसाठी लहान इलेक्ट्रिक वाहने बनवत आहेत. पण मिबोट वेगळी आहे - ती एक-सीटर कार आहे आणि विशेषतः अशा लोकांसाठी डिझाइन केलेली आहे ज्यांना दररोज लहान ट्रिप कराव्या लागतात.

केजी मोटर्सचे स्वप्न आहे की, गावातील प्रत्येक व्यक्तीकडे स्वतःचे वाहन असावं, जेणेकरून त्यांना सार्वजनिक वाहतुकीच्या कमतरतेचा त्रास होणार नाही. मिबोटमध्ये फारसे फिचर्स नाहीत. त्यात फक्त एक बॅटरी, मोटर आणि आवश्यक इलेक्ट्रॉनिक भाग बसवलेले आहेत. हे त्याचे सर्वात मोठे फिचर्स आहे. कंपनीने त्यांच्या कारचे चाचणी व्हिडिओ देखील जारी केले आहेत, ज्यात बर्फाळ रस्ते, अरुंद रस्ते आणि सुरक्षा चाचण्या दर्शविल्या आहेत. कुसुनोकी स्वतः पूर्वी एक YouTuber होते आणि आता त्या अनुभवाचा वापर Mibot चे मार्केटिंग करण्यासाठी करत आहेत.