Maruti Victorious Safety: मारुतीने आणली दुसरी टँकसारखी SUV, Tata चं मार्केट करणार जाम, किंमतही कमी!

मागील काही वर्षांपासून सगळ्यात सुरक्षित कार घेण्यासाठी ग्राहक जागरूक झाले आहे. टाटा मोटर्स आणि महिंद्राने यामध्ये बाजी मारत सेफ्टीमध्ये ५ स्टार रेटिंग असलेल्या वाहनांची निर्मिती केली आणि बघता बघता अवघ्घं मार्केट काबीज केलं. तर दुसरीकडे मारुती सुझुकीनेही सेफ्टी कार बनवण्याचा चंग बांधला. मारुती सुझुकीने अलीकडेच लाँच केलेल्या स्विफ्ट डिझायरला सेफ्टीमध्ये ५ स्टार रेटिंग मिळाले. आता त्यानंतर मारुतीच्या आणखी एका एसयूव्हीने ५ स्टार सेफ्टीचा मान मिळवलं आहे. या एसयूव्हीचं नाव आहे Victoris.

मागील काही दिवसांपासून या Victoris SUV ची बरीच चर्चा रंगली होती अखेरीस कंपनीने या एसयूव्हीवरून पडदा बाजूला केला आहे. मारुती सुझुकीची ही पाचवी SUV आहे. या एसयूव्हीचं नाव  Maruti Victoris असं ठेवण्यात आलं आहे.

मारुती सुझुकीने आज बुधवारी Victoris चं दमदार लाँचिंग केलं आहे. या कार्यक्रमामध्ये कंपनीने या SUV ला BNCAP (Bharat New Car Assessment Programme) मध्ये ५ स्टार सेफ्टी रेटिंग मिळाले आहे, असा दावा केला आहे.

  हे रेटिंग वृद्ध आणि लहान मुलांच्या सुरक्षेसाठी मिळाले आहे. चाचणी दरम्यान Maruti Suzuki Victoris ने वृद्ध व्यक्तीच्या सुरक्षेत 32 मधून 31.66 गूण मिळाले  आहे. तर लहान मुलांच्याा सुरक्षेसाठी  49 पैकी 43 गूण मिळाले आहे. हा स्कोअर कंपनीच्या सेफ्टी इंजिनियरिंग आणि मजबूत डिझाईनचा पुरावा आहे. 

6 एअर बॅग आणि स्टँड फिचर्स Victoris SUV च्या डिझाइनबद्दल बोलायचं झालं तर या एसयूव्हीमध्ये स्टँडर्ड ६ एअरबॅग देण्यात आल्या आहेत जे की केंद्र सरकारने बंधनकारक केले आहे. या शिवाय  SUV मध्ये ऑल-व्हील डिस्क ब्रेक्स, इलेक्ट्रॉनिक पार्किंग ब्रेक आणि 360-डिग्री कॅमेरा असणार आहे. 

एवढंच नाहीत  Maruti Suzuki Victoris SUV मध्ये हायटेक टेक्नोलॉजीचा वापर केला आहे, त्यामुळे  8 अॅडजस्टेबल व्हेंटिलेटेड फ्रंट सीट्स, सनरूफ, आणि 60W फास्ट चार्जिंग मिळणार आहे. या शिवाय ऑटो एलेक्सा व्हाईस असिस्टेंट विद AI, सुझुकी कनेक्टचे 60+ कनेक्टेड कार फिचर्स आणि 8-स्पीकर सराउंड साऊंड सिस्टिम सारखे फिचर्सही दिले आहे. 

ADAS लेव्हल 2 सिस्टिम - SUV मध्ये AWD सिस्टिम दिलं आहे जे खास करून 1.5L NA ऑटोमॅटिक व्हेंरिएटमध्ये मिळेल.  ट्रान्समिशनची बाजू पाहिली तर एसयूव्हीमध्ये 5-स्पीड मॅनुअल, 6-स्पीड टॉर्क कन्वर्टर ऑटोमॅटिक आणि e-CVT हे हायब्रिडसाठी गिअरबॉक्स दिला आहे. एवढंच नाहीतर  या SUV मध्ये  ADAS Level 2 टेक्नोलॉजी दिली आहे. तसंच ऑटोमॅटिक इमरजेंसी ब्रेक,  क्रूज कंट्रोल. लेन कीप असिस्ट. हाय बीम असिस्ट,  रियर क्रॉस ट्रॅफिक अलर्ट,  ब्लाइंड स्पॉट मॉनिटरआणि लेन चेंज अलर्ट सारखे फिचर्सही दिले आहे. 

Maruti Suzuki Victoris मध्ये  वेगवेगळ्या पावरट्रेनचा पर्याय दिला आहे. यामध्ये 1.5-लिटर नॅचरुल एस्पिरेटेड (NA) पेट्रोल इंजिन हे माईल्ड-हायब्रिड टेक आणि 1.5-लिटर स्ट्रॉन्ग हायब्रिड इंजिनचा समावेश आहे.

आता Victoris मध्ये इतके सगळे फिचर्स दिले आहे, त्यामुळे किंमत किती असेल याबद्दल अंदाज वर्तवला जात आहे. कंपनीकडून अजून किंमती या गुलदस्त्यातच आहे. पण या  Victoris ची किंमत  11 लाखांपासून ते 20 लाखांपर्यंत असणार असा अंदाज वर्तवला जात आहे. या Victoris ची बुकिंग लवकरच सुरू होणार आहे.