TV ची आदर्श सून, व्हायचं होतं IAS, आज करतेय इंडस्ट्रीवर राज्य; कोण आहे ही महागडी अभिनेत्री?

छोटा पडदा असो किंवा थिएटर अनेक कलाकारांनी मनोरंनजसृष्टीत आपल्या अभिनयाचा ठसा उमटवला आहे. काही कलाकार यशाच्या शिखरावर पोहोचल्या नंतर एका रात्री गायब झाले आहेत. तर काहींना अजूनही संघर्ष संपलेला नाही. पण छोट्या पडद्यावरील आदर्श सून असणाऱ्या अभिनेत्रीला कधीच मनोरंजनसृष्टीत यायचं नव्हतं. अभिनेत्रीला IAS अधिकारी होऊन देशसेवा करायची होती.

छोट्या पडद्यावरील लोकप्रिय अभिनेत्री, आदर्श सून साक्षी तंवरला IAS अधिकारी व्हायचं होतं. साक्षी तंवर 'दंगल' या सुपरहिट चित्रपटात आमिर खानसोबत स्क्रीन शेअर करताना दिसली आहे. तर छोट्या पडद्यावरील अनेक मालिकांच्या माध्यमातून ती घराघरांत पोहोचली आहे.

साक्षी तंवर लहानपणापासूनच अभ्यास हुशार होती. तिचे वडील सेवानिवृत्त CBI अधिकारी आहेत. साक्षीने IAS अधिकारी होण्याचं स्वप्न पाहिलं होतं. दिल्लीतील श्री राम कॉलेजमधून तिने पदवीपर्यंतचं शिक्षण घेतलं. एकीकाळी तिने पंचतारांकित हॉटेलमध्ये सेल्स ट्रेनी म्हणूनही काम केलं आहे.

साक्षी तंवर आज मेहनतीच्या जोरावर यशाच्या शिखरावर पोहोचली आहे. साक्षीची पहिली सॅलरी फक्त 900 रुपये होती. एकदा कपूरच्या 'कहाणी घर-घर की' या मालिकेत तिने साकारलेल्या पार्वती भाभी या भूमिकेने तिला चांगलीच पसंती मिळाली. आजही अनेक लोक तिला 'पार्वती भाभी' म्हणून ओळखतात.

आपलं काम आणि मेहनतीच्या जोरावर साक्षीने आपली वेगळी ओळख निर्माण केली आहे. साक्षी तंवर छोट्या पडद्यावरील सर्वात श्रीमंत अभिनेत्री आहे. साक्षीची एकूण संपत्ती 50 कोटी रुपयांच्या आसपास आहे. आजही तिने लग्न केलेलं नाही. पण एका मुलीला दत्तक घेतलं आहे.

'कहाणी घर-घर की'नंतर साक्षी तंवर यांनी अनेक हिट मालिका दिल्या. यात 'बडे अच्छे लगते हैं' या मालिकेचाही समावेश आहे. राम कपूर आणि साक्षीची जोडी, त्यांची केमिस्ट्री आजही चाहत्यांच्या पसंतीस उतरते.

साक्षी तंवरच्या सुपरहिट चित्रपटांत दंगल, मोहल्ला अस्सी, शर्माजीकी भेटी, डायल 100, घर की मुर्गी, पृथ्वीराज, बावरा मन, सी कंपनी या चित्रपटांचा समावेश आहे. आता अभिनेत्रीच्या आगामी प्रोजेक्टची चाहत्यांना उत्सुकता आहे.