Gaurav More Home : 'फिल्टर पाडा ते पवई, प्रवासासाठी खूप वर्ष लागली'; हक्काचं मिळताच गौरव मोरे भावुक

पवईच्या फिल्टपाड्याचा बच्चन म्हणजेच अभिनेता गौरव मोरेच्या आयुष्याची नवी सुरुवात झाली आहे. गौरव मोरेला त्याच्या हक्काच्या घराच्या चाव्या मिळाल्या आहेत.

आर्थिक परिस्थिती बेताची असूनही गौरवने मार्ग काढला, अभिनय क्षेत्रात नाव कमावलं. फिल्टरपाडा ते पवईतील फ्लॅट हा प्रवास मागे वळून पाहताना गौरव मोरे भावुक झाला.

गौरव मोरेला मागील वर्षी म्हाडाच्या लॉटरीमध्ये पवईमध्ये घर मिळालं. त्या घराच्या चाव्या त्याला देण्यात आल्या. घराच्या चाव्या मिळताच गौरव मोरेचा आनंद गगनात मावेनाना झालाय. त्याने भावुक पोस्ट लिहिली आहे.

गौरवने घराच्या चाव्यांचा आणि हक्काच्या घरात एन्ट्री केल्यानंतरा फोटो शेअर केला आहे. फोटो शेअर करत गौरवने लिहिलंय, "फिल्टरपाडा ते पवई हा प्रवास बघताना खूप छोटा वाटतो पण तो पूर्ण करण्यासाठी खूप वर्ष लागली आहे. जिथे राहतो तिथेच आपल घर असाव हे कायम मनात होत."

"लहानपणापासुन वाटत होत जिथे राहतो तिथेच घर घ्यायचं आणि आज ते स्वप्न खरया अर्थाने सत्यात उतरलं आणि काल दिनांक 25-09-2025 रोजी आम्हाला आमच्या पवई च्या नवीन घराचा ताबा मिळाला."

गौरवने लिहिलंय, "ताडपत्री ते फ्लॅट असा हा प्रवास आहे. आणि काल घरच्यांना त्या घराचा आनंद घेताना बघुन मन भरून आल आणि वाटल आपण आपल्या परिवारासाठी काहीतरी केल.माझी नाळ कायम फ़िल्टर पाडा आणि पवई सोबत जोडली गेली आहे आणि ती कधीच तुटणार नाही. माझ हे स्वप्न पूर्ण केल्याबद्दल मी म्हाडाचे मनापासून आभार मानतो"