Prajakta Mali : ओशो भक्त असलेली प्राजक्ता माळी करणार खास गोष्ट, म्हणाली आज सुरूवात...

अभिनेत्री प्राजक्ता माळी नेहमीच देवदर्शन करताना दिसते. प्रत्येक सणाला ती देवाचं दर्शन घेण्यासाठी देवळात पोहोचत असते.

मराठमोळी प्राजक्ता माळी ओशो भक्त देखील आहे. ओशोंचं तिच्या आयुष्यात महत्त्वाचं स्थान आहे. पण भगवान शंकरांवर देखील तिची मनोभावे श्रद्धा आहे.

ओशो भक्त असलेली प्राजक्ता माळी तिच्या आयुष्यात एक खास गोष्ट करणार आहे. वर्षभरासाठी तिनं खास संकल्प आहे.

प्राजक्ता माळीनं नुकतंच महाराष्ट्रातील परळी वैजनाथाचं दर्शन घेतलं. परळी वैजनाथाच्या पायाशी जात तिनं शिवलिंगाची पूजा-अभिषेक केला.

परळी वैजनाथचं दर्शन घेत प्राजक्तानं तिच्या नव्या संकल्पाविषयी सांगितलं. प्राजक्ता येत्या वर्षभरात 12 ज्योतिर्लिंगची यात्रा करणार आहे.

प्राजक्ता म्हणाली, "आजच्या सोमवारी संकल्प सोडला. येत्या वर्षात “12 ज्योतिर्लिंग यात्रा”करणार.आज सुरूवात झाली “महाराष्ट्रातल्या - परळी वैजनाथ”पासून.

खरंतर प्राजक्ताला ही यात्रा एकसंधपणे करायची होती. मात्र वाढत्या कामाच्या व्यापामुळे तिला ते शक्य नाही. 12 ज्योतिर्लिंगाच्या यात्रेबद्दल प्राजक्तानं खास सल्ला देखील दिला.

प्राजक्ता म्हणाली, "ही यात्रा एकसंधपणे करता आली असती तर जास्त आनंद झाला असता. पण कामाच्या कमिटमेंट्समध्ये ते शक्य नाही. आपणांस तसे जमत असेल तर जरूर करावे. एकसंधपणे यात्रा करणे इष्ट".

प्राजक्तानं याआधी श्रावण महिन्यात शिखर शिंगणापूरच्या महादेवाचं दर्शन घेतलं होतं. श्रावण महिन्याच्या पहिल्या सोमवारी तिनं महादेवाचं दर्शन घेतलं.