राकेश बापट Bigg Boss Marathi 6 मधून बाहेर? बिग बॉसने उघडलं घराचं दार, नव्या प्रोमोने प्रेक्षकांची धडधड वाढवली

बिग बॉस मराठी 6 च्या घरातील पहिला आठवडा पार पडला. त्यानंतर भाऊचा धक्का देखील पार पडला. यावेळी नऊ सदस्य डेंजर झोनमध्ये होते. पण शेवटच्या क्षणी सगळ्यांना धक्का देत कोणालाच घराबाहेर काढलं नाही.

या आठवड्यात एनिमिनेशन झालंच नाही. जे सदस्य मागील आठवड्यात नॉमिनेट होते तेच सदस्य या आठवड्यातही नॉमिनेट आहेत. दरम्यान एक प्रोमो समोर आला आहे ज्यात बिग बॉसच्या घराचा मुख्य दरवाजा उघडण्यात आला आहे.

या दारातून घरातील एक सदस्य घराबाहेर जाणार तो म्हणजे राकेश बापट. राकेशनं मला या घरात राहायचं नाहीये असं म्हटलं. खरंच राकेश घराबाहेर जाणार का? नवी प्रोमो पाहून प्रेक्षकांची धडधड वाढली आहे.

'बिग बॉस मराठी'च्या घरात सध्या वादाची ठिणगी पडली आहे. नेहमी शांत आणि 'चिल' राहणारा अभिनेता राकेश बापट आज चांगलाच संतापलेला पाहायला मिळणार आहे. घरात बेडवरून सुरू झालेला हा वाद इतका विकोपाला गेला की राकेशने थेट घर सोडण्याची इच्छा व्यक्त केली आहे. अनुश्रीच्या काही विधानांमुळे राकेशचा पारा चढला आणि त्याने तिला कडक शब्दात सुनावले.

घरातील वातावरणात तणाव निर्माण झाला जेव्हा अनुश्री आक्रमकपणे म्हणाली, "मला कोणीही माझ्या बेडवरून हलवू शकत नाही." तिने पुढे राकेशला उद्देशून म्हटले, "जिथे तू हात धरून मला उठवलंस ना, तिथेच माझ्या डोक्यात गेलास तू."

अनुश्रीचं हे बोलणं ऐकून राकेशचा संयम सुटला. तो संतापून म्हणाला, "हे बोलणं चुकीचं आहे. Do not dare to say that again. आयुष्यात मी 25 वर्षं एवढं काम केलं आहे, कोणाची हिंमत आहे की मला असं कोणी बोलेल?"

या वादाने इतकं गंभीर वळण घेतलं की राकेश चिडून ओरडला, "मला या घरात आता थांबायचं नाहीये!" आणि तो तिथून निघून गेला. राकेश बापट हे बोललल्यानंतर प्रोमोमध्ये बिग बॉस घराचं मुख्य दार उघडताना दिसत आहेत. त्यामुळे राकेश घराबाहेर जाणार का हे पाहणं आजच्या भागात इन्ट्रेस्टिंग ठरणार आहे.