कोरोना काळ गाजवलेले ब्रिटनचे डॉ. संग्राम पाटील चौकशीसाठी पुन्हा पोलिसांच्या ताब्यात, लंडनला जाण्यापासून रोखले

मुंबई : कोरोना काळात सर्वत्र भीती पसरलेली असताना रुग्णांना आणि त्याचबरोबर सर्वसामान्यांना सातासमुद्रापल्याडहून आधार देणारे डॉक्टर, अभिव्यक्ती स्वातंत्र्याचे कट्टर पुरस्कर्ते, लोकशाहीवादी कार्यकर्ते डॉ. संग्राम पाटील यांना मुंबई पोलिसांनी पुन्हा चौकशासाठी ताब्यात घेतले आहे. सोमवारी सकाळी त्यांच्या कुटुंबातील सदस्य लंडनला निघालेले असताना पोलिसांनी संग्राम पाटील यांना ताब्यात घेऊन पुन्हा चौकशीला सुरुवात केली. चौकशीच्या नावाखाली गेल्याच आठवड्यात त्यांना १५ तास पोलीस स्टेशनमध्ये बसवून ठेवण्यात आल्याचा आरोप आहे.