2025 मध्ये या 8 सेलिब्रिटींच्या आयुष्यात वादळ! एकीला फॉरेनर नवऱ्याने फसवलं, दुसरीचा 15 वर्षांचा संसार मोडला

युजवेंद्र चहल-धनश्री वर्मा (Yuzvendra Chahal Dhanashree Verma) : 2025 या वर्षाची सुरुवातच युजवेंद्र चहल आणि धनश्री वर्मा यांच्या नात्यात दुरावा आल्याच्या चर्चांनी झाली. भारतीय क्रिकेटर युजवेंद्र चहल आणि कोरिओग्राफर धनश्री वर्मा यांच्या लग्नाची चांगलीच चर्चा होती. अखेर 2025 मध्ये त्यांनी अधिकृतरित्या विभक्त होण्याचा निर्णय घेतला.

पलाश मुच्छल -स्मृती मानधना (Palash Muchhal Smriti Mandhana) : भारतीय महिला क्रिकेटर स्मृती मानधना आणि संगीतकार पलाश मुच्छल यांच्या ब्रेकअपची चांगलीच चर्चा रंगली. 23 नोव्हेंबर 2025 रोजी स्मृती आणि पलाश विवाहबंधनात अडकणार होते. पण स्मृतीच्या वडिलांची प्रकृती बिघडल्याने लग्न पुढे ढकलण्यात आल्याचं सांगण्यात आलं. त्यानंतर त्यांचं लग्न मोडल्याच्या चर्चांना सुरुवात झाली. दरम्यान स्मृतीने खास पोस्ट करत लग्न मोडलं असल्याचं जाहीर केलं.

तमन्ना भाटिया - विजय वर्मा (Tamannaah Bhatia Vijay Varma) : तमन्ना भाटिया आणि विजय वर्मा यांचा ब्रेकअपदेखील 2025 मध्येच झाला. एकमेकांवरचा विश्वास उडाल्याने तमन्ना आणि विजय वेगळे झाल्याची चर्चा आहे. पण अद्याप दोघांकडून याबाबत काहीही माहिती देण्यात आलेली नाही.

सेलिना जेटली - पीटर हाग (Celina Jaitly Peter Haag) : बॉलिवूड अभिनेत्री सेलिना जेटलीने पती पीटर हाग विरोधात घटस्फोटाची याचिका दाखल करत इंडस्ट्रीला मोठा धक्का दिला. सेलिनाने आपल्या पतीवर शारिरीक शोषण आणि प्रॉपर्टी हडप केल्याचा गंभीर आरोप केला आहे.

मीरा वासुदेवन - विपिन पुशियांकम (Meera Vasudevan Vipin Puthiyankam) : दाक्षिणात्य अभिनेत्री मीरा वासुदेवन हिने नोव्हेंबर 2025 मध्ये तिसऱ्या पतीपासून घटस्फोट घेत असल्याची घोषणा केली. सोशल मीडियावर एक भावूक पोस्ट शेअर करत मीराने आपल्या चाहत्यांना घटस्फोटाची बातमी दिली होती.

जी वी प्रकाश कुमार - सैंधवी (G.V. Prakash Kumar Saindhavi) : संगीतकार आणि अभिनेते जी. वी. प्रकाश कुमार आणि गायिका सैंधवी यांनी 12 वर्षांच्या सुखी संसारानंतर 2025 मध्ये वेगळं होण्याचा निर्णय घेतला. 24 मार्च 2025 मध्ये त्यांनी चेन्नईतील फॅमिली कोर्टात घटस्फोटाची याचिका दाखल केली.

शुभांगी अत्रे - पीयूष पूरी (Shubhangi Atre Piyush Poorey) : छोट्या पडद्यावरील लोकप्रिय मालिका 'भाभीजी घर पर है' या मालिकेतील अभिनेत्री शुभांगी अत्रे हिचा 2025 मध्ये पती पीयूष पूरीसोबत घटस्फोट झाला. घटस्फोटानंतर काहीच दिवसांत पीयूष पूरीने जगाचा निरोप घेतला.

संजीव सेठ - लता सभरवाल (Sanjeev Seth Lata Sabherwal) : 'ये रिश्ता क्या कहलाता है' या छोट्या पडद्यावरील लोकप्रिय मालिकेतील प्रसिद्ध जोडपं संजीव सेठ आणि लता सभरवाल यांनी जून 2025 मध्ये वेगळं होण्याचा निर्णय घेतला. सोशल मीडियाच्या माध्यमातून त्यांनी वेगळं होण्याची घोषणा केली. लग्नाच्या 15 वर्षांनी त्यांनी वेगळं होण्याचा निर्णय घेतला.