Health Tips : रोजच्या चपात्यांसाठी वापरा 'हे' पीठ; बद्धकोष्ठता-मधुमेह असे अनेक त्रास राहतील दूर

आपल्या उत्तम आरोग्याचे रहस्य आपल्या रोजच्या पिठात आहे, हे तुम्हाला माहिती आहे का? हे खास पीठ दुसरे तिसरे कोणते नसून आपण रोज वपोरात असलेलेच पीठ आहे. मात्र ते तुम्ही कशा पद्धतीने खाता यावर अनेक गोष्टी अवलंबून असतात. हे पीठ तुम्ही चालून खात असाल तर ते फारसे फायदेशीर नाही. मात्र हेच पीठ जर तुम्ही न चाळता म्हणजे कोंडायुक्त पीठ खाल्ले तर ते आपल्या आरोग्यासाठी अत्यंत फायदेशीर ठरते.

आरोग्य तज्ञांच्या मते, ज्या पिठामध्ये कोंडा देखील असतो, ते वजन कमी करण्यासाठी आणि हृदयाच्या आरोग्यासाठी उत्तम असते. मात्र जास्त खाल्ल्याने समस्या निर्माण होऊ शकतात? का असा प्रश्न देखील उपस्थित होतो.

प्रमाणित आहारतज्ज्ञ ममता पांडे म्हणतात की धान्य जितके जास्त परिष्कृत केले जाते तितके ते कमी पौष्टिक असते. गव्हापासून पीठ बनवताना त्यामध्ये कोंडदेखील असतो. कोंडा हा गव्हाच्या दाण्याचा जाड बाह्य थर आहे. तो केवळ धान्याचेच संरक्षण करत नाही तर शरीराचेही संरक्षण करतो.

कोंडा नसलेल्या पिठापेक्षा कोंडा असलेल्या पिठामध्ये जास्त फायबर असते. पण जेव्हा आपण चपाती बनवतो तेव्हा आपण पीठ चाळतो. ज्यामुळे कोंडा आणि त्याचे फायबर निघून जातात. म्हणूनच तज्ञ कोंडा असलेले पीठ वापरण्याचा सल्ला देतात.

एका प्रौढ व्यक्तीला दररोज सरासरी 15 ग्रॅम फायबरची आवश्यकता असते. पांढरे पीठ लवकर पचते आणि ग्लुकोजची पातळी वाढवते. कोंडा असलेले पीठ हळूहळू पचते आणि रक्तात ग्लुकोज हळूहळू सोडते, जे मधुमेह नियंत्रित करण्यास देखील उपयुक्त आहे.

यामुळे इन्सुलिन शरीराच्या पेशींपर्यंत पोहोचण्यास वेळ मिळतो आणि पचन सुधारते. फायबर आतड्यांतील पेरिस्टाल्टिक हालचाल राखते, ज्यामुळे बद्धकोष्ठता आणि पचन समस्या कमी होतात. दिवसातून 4-5 कोंडा असलेल्या चपाती खाणे पुरेसे आहे.

कोंडा असेलेली चपाती हा आहारात एक उत्तम पदार्थ आहे. त्यात असलेले नैसर्गिक फायबर पचन सुधारते आणि रक्तातील साखरेची पातळी नियंत्रित करण्यास मदत करते, असे दिल्लीतील एम्स येथील आहारतज्ज्ञ डॉ. अमित सिंग म्हणतात. पण सर्व चांगल्या गोष्टींप्रमाणे, काही मर्यादा आहेत. जास्त किंवा जास्त खाल्ल्याने पोटाच्या समस्या उद्भवू शकतात. अल्सरचा धोका देखील असतो. म्हणून हे पीठ योग्य आणि संतुलित प्रमाणात खावे.