स्वस्तात मस्त लग्नासाठी गिफ्ट, फक्त 50 रुपयांपासून, खरेदीसाठी अमरावतीत हे ठिकाण बेस्ट ऑप्शन!

सध्या लग्नसराईचा सिझन सुरू आहे. त्याचबरोबर विविध ठिकाणी वास्तुपूजा, वाढदिवस आणि बरेच प्रसंग असतात. अशावेळी सर्वात मोठा प्रश्न असतो, गिफ्ट काय द्यायचं? त्यावेळी तुम्ही फोटोफ्रेमचा विचार करू शकता.

तर अमरावतीमध्ये फोटो फ्रेम खरेदी करायची असल्यास किंवा बनवून घ्यायची असल्यास तुमच्यासाठी बेस्ट ऑप्शन ठरू शकतं गांधी चौक येथील जय अंबे फोटो फ्रेम. यांच्याकडे तुम्हाला पाहिजे तशी फोटो फ्रेम बनवून मिळेल.

जय अंबे फोटो फ्रेम येथील त्रिशूल गोरे माहिती देताना सांगतात की, आमच्याकडे होलसेल दरात फोटो फ्रेम बनवून मिळतात. आम्ही स्वतः बनवत असल्याने त्यावर एक्स्ट्रा चार्जेस काहीही लागत नाही. अगदी छोट्या साईजपासून ते तुम्हाला पाहिजे त्या साईजपर्यंतच्या फ्रेम आम्ही बनवून देऊ शकतो. त्याचबरोबर आमच्याकडे उपलब्ध सुद्धा आहेत.

सध्या लग्नसराईमध्ये राधा-कृष्ण फ्रेम गिफ्ट देण्याचा ट्रेंड सुरू आहे. त्यानुसार 250 रुपयांपासून फ्रेम आमच्याकडे उपलब्ध आहेत. तुम्हाला बनवून पाहिजे असल्यास त्या सुद्धा आम्ही उपलब्ध करून देतो. ग्राहकांच्या पसंती आणि मताप्रमाणे आम्ही फ्रेम पुरवतो. त्यात सुद्धा वेगवेगळ्या क्वालिटी आहेत. 250 रुपयांपासून ते 20 हजारपर्यंत फ्रेम आहेत. साईज आणि क्वालिटीनुसार प्राईस वाढत जाते.

फक्त फोटो फ्रेमच नाही तर अनेक गिफ्ट ऑप्शन आमच्याकडे उपलब्ध आहेत. त्यामध्ये छत्रपती शिवाजी महाराजांच्या मूर्ती, देवाच्या आकर्षक मूर्ती सुद्धा आहेत. त्याचबरोबर ऐतिहासिक वस्तू सुद्धा आहेत. त्यात छत्रपती शिवाजी महाराजांचा जिरेटोप, त्यांच्या वेगवेगळे प्रसंग आहेत.

काचेच्या बॉक्समध्ये ठेवल्यानंतर आकर्षक असा हा टोप सुद्धा तुम्ही गिफ्ट म्हणून देऊ शकता. या सर्व वस्तू खरेदी करण्यासाठी आमच्या दुकानाचा पत्ता आहे, गांधी चौक, अंबादेवी मंदिराजवळ, अमरावती नक्की भेट देऊन बघा, असे त्रिशूल यांनी सांगितले.