नाद करतीये का? आता जिंकायला लागतंय! 2 Thar, 2 फॉर्च्युनर, 7 ट्रॅक्टर आणि 150 बाईक, सांगलीत पहिल्यांदाच बैलगाडा शर्यत PHOTOS

बैलगाडा शर्यत म्हणजे शेतकऱ्यांसाठी जीव की प्राण अशी शर्यत. राज्यभरात ठिकठिकाणी मोठ्या उत्साहात शर्यतीचं आयोजन केलं जातंय. वेगवेगळे बक्षीस दिले जातात. पण, २ महिंद्रा थार, २ फॉर्च्युनर, ७ ट्रॅक्टर आणि १५० बाईक जर बक्षीस म्हणून मिळणार असेल तर? होय, हे खरं आहे. सांगलीमध्ये देशातील सगळ्यात मोठ्या बैलगाडी शर्यतीचं आयोजन करण्यात आलं आहे.

देशातील सगळ्यात मोठ्या बैलगाडी शर्यत आणि बैलगाडी अधिवेशन ९ नोव्हेंबर रोजी सांगलीच्या तासगाव मध्ये पार पडणार आहे.

डबल महाराष्ट्र केसरी आणि शिवसेना शिंदे गटाचे नेते चंद्रहार पाटलांच्या माध्यमातून या श्री-नाथ केसरी बैलगाडी शर्यतीचे आयोजन करण्यात आलं आहे.

उपमुख्यमंत्री एकनाथ शिंदे यांच्या उपस्थितीत बैलगाडी अधिवेशन आणि शर्यती पार पडणार आहेत. या शर्यतीच्या विजेत्यांसाठी भव्य दिव्य असे बक्षीस चंद्रहार पाटलांकडून जाहीर करण्यात आला आहे.

ज्यामध्ये २ फॉर्च्युनर, २ महिंद्रा थार, ७ ट्रॅक्टर आणि दीडशे दुचाकींचा समावेश आहे. सांगलीमध्ये पहिल्यांदाच इतक्या मोठ्या संख्येनं बैलगाडा शर्यतीत बक्षीस दिलं जात आहे.

दोन वेगवेगळ्या प्रकारामध्ये बैलगाडा शर्यत होणार आहे. त्यामुळे पहिल्या शर्यतीत विजयी होणाऱ्या उमेदवाराला प्रत्येकी एक एक थार आणि फॉर्च्युनर दिली जाणार आहे.

कुणीही विजयी असला तरी शेतकऱ्याला हे बक्षीस मिळणार आहे. दीडशे बाईक या सुद्धा शेतकऱ्यांना मिळणार आहे. येणाऱ्या काळामध्ये बैलगाडा शर्यतीला प्रोत्साहन मिळालं पाहिजे, हा त्यामागचा उद्देश आहे, अशी माहिती पैलवान चंद्रहार पाटील यांनी दिली.