अहमदनगरमध्ये भीषण अपघात; कंटेनरच्या धडकेत 3 तरुणांचा मृत्यू

अहमदनगर जिल्ह्यातून भीषण अपघाताची बातमी समोर आली आहे, कंटेनर आणि दुचाकीचा अपघात झाला.

या अपघातामध्ये दुचाकीवर असलेल्या तिघांचा मृत्यू झाला आहे, दोघांचा जागीच मृत्यू झाला होता तर एका तरुणाचा आज उपचार सुरू असताना रुग्णालयात मृत्यू झाला.

संगमनेर तालुक्यातील नांदूर शिंगोटे - लोणी रस्त्यावरील नीमोण गावाजवळ हा भीषण अपघात झाला. कंटेनरनं दुचाकीला धडक दिली.

कुंडलिक मेंगाळ, युवराज मेंगाळ आणि संदीप आगविले असे या अपघातामध्ये मृत्यू झालेल्या तरुणांची नावं आहेत.

हा अपघात इतका भीषण होता की, या अपघामध्ये दुचाकीचा पूर्णपणे चुराडा झाला आहे, अपघाताचं नेमकं कारण अद्याप समोर आलेलं नाही