Ajit Pawar Plane Crash : तेच ठिकाण आणि तसंच घडलं! जिथं अजित पवारांच्या विमानाचा अपघात, तिथंच 3 वर्षांपूर्वीही झालं होतं प्लेन क्रॅश

उपमुख्यमंत्री अजित पवार यांचा विमान अपघातात मृत्यू झाल्याची धक्कादायक घटना घडली आहे. बारामतीतील गोजुबावी इथं ही दुर्घटना घडली. याच ठिकाणी बरोबर 3 वर्षांपूर्वीही विमान अपघात झाला होता.

गोजुबावी हे पुणे जिल्ह्यातील बारामती तालुक्यातील एक गाव आहे.  पुण्यापासून जवळपास 100 किमी दूर आणि बारामतीपासून 10 किमी अंतरावर आहे. याआधी हे गाव एका विमान अपघातामुळे चर्चेत आलं होतं.

ऑक्टोबर 2023 मध्ये गोजुबावी गावाजवळ एक ट्रेनिंग एअरक्राफ्ट दुर्घटनाग्रस्त झालं होतं. यात ट्रेनी पायलट आणि इंस्ट्रक्टर होते, ते दोघंही जखमी झाले होते.

गोजुबावीमध्ये ऑक्टोबर 2023 मध्ये झालेल्या या ट्रेनिंग एअरक्राफ्ट दुर्घटनेचे फोटो, व्हिडीओही सोशल मीडियावर व्हायरल झाले होते. जे आजही तुम्हाला पाहायला मिळतील.

बरोबर 3 वर्षांनी त्याच ठिकाणी अगदी तशीच घटना घडली. अजित पवार यांचंही विमान तिथंच क्रॅश झाल्याने खळबळ उडाली आहे.