Marathwada Weather Update: तो पुन्हा येणार! मराठवाड्यात पावसाचा इशारा, तुमच्या जिल्ह्यात काय स्थिती?

राज्यात फेंगल चक्रीवादळामुळे डिसेंबरच्या पहिल्याच आठवड्यात हवामानात मोठे बदल झाले आहेत. थंडीचा जोर ओसरला असून उष्णतेचा पारा वाढला आहे. तर काही ठिकाणी ढगाळ हवामानासह पावसाचा अंदाज आहे. मराठवाड्यात देखील 1 डिसेंबरपासून हिच स्थिती कायम आहे.

मराठवाड्यातील परभणी, धाराशिव आणि लातूर जिल्ह्यांत आज ढगाळ हवामान राहणार असून हलक्या ते मध्यम पावसाचा अंदाज आहे. तर तापमानात देखील वाढ झाली असून किमान तापमान 21 अंशांवर पोहोचलंय.

वातावरणातील बदलांमुळे मराठवाड्यात ऐन हिवाळ्यात उन्हाचे चटके जाणवत आहेत. जालना, नांदेड, बीड आणि हिंगोली जिल्ह्यांत किमान तापमान 22 अंशांवर गेलंय.  जिल्ह्यांत देखील आज ढगाळ वातावरण असेल.

मराठवाड्यातील प्रमुख शहर असलेल्या छत्रपती संभाजीनगरमध्ये नोव्हेंबर अखेर थंडीचा जोर वाढला होता. पण आता याठिकाणी देखील तापमानात वाढ झाली असून किमान तापमान 20 तर कमाल तापमान 21 अंश सेल्सिअस नोंदवलं गेलंय.

मराठवाड्यातील तापमानाची ही स्थिती पुढील काही दिवस कायम असणार आहे. 8-10 डिसेंबर नंतर यामध्ये बदल होणार असून पुन्हा थंडीचा जोर वाढण्याची शक्यता हवामान विभागाने वर्तवलीये.