दिवाळीनंतर मराठवाड्यातील वातावरणात मोठे बदल, आज कसं असणार हवामान?

राज्यात कमाल आणि किमान तापमानात चढ-उतार सुरूच आहेत. पहाटेच्या वेळी किमान तापमानात घट होत असल्याने थंडीची चाहूल लागली आहे. तर दुपारच्या वेळी उन्हाचा चटका कायम असल्याचे चित्र आहे.

मराठवाड्यात दिवाळीनंतर पावसाने विश्रांती घेतली आहे. त्यामुळे आता वातावरणात बदल जाणवतर आहेत. रात्री हवेत गारवा जाणवत असून दुपारी उन्हाचे चटके बसत आहेत.

आज छत्रपती संभाजीनगर शहराचे कमाल तापमान 33 अंश सेल्सिअस तर किमान तापमान 19 अंश सेल्सिअस एवढं असेल. संभाजीनगर शहरात दिवसभर उन्हाचा तडाका जाणवत आहे. तर रात्री आणि सकाळी थंडीमुळं हुडहुडी भरत आहे.

जालना, परभणी, हिंगोली, नांदेड, लातूर, बीड आणि धाराशिव या जिल्ह्यात देखील आता थंडी पडायला सुरुवात झालेली आहे. सर्वच जिल्ह्यातील तापमानामध्ये घट झालेली बघायला मिळत आहे. अजून काही दिवसांमध्ये थंडी जोर धरेल, असं देखील हवामान खात्याने सांगितलं आहे.

वातावरणातील बदलांच्या पार्श्वभूमीवर शेतकऱ्यांनी आपल्या फळबागांची काळजी घ्यावी. त्यासोबतच नागरिकांनी देखील आपल्या आरोग्याची योग्य ती काळजी घेण्याची गरज आहे.