साताऱ्यात पारा घसरला, पश्चिम महाराष्ट्रात शेकोट्या पेटल्या, आजचा हवामान अंदाज

पश्चिम महाराष्ट्रात थंडीचा जोर वाढत असून पुणे जिल्ह्यात देखील गारठा वाढला आहे. पुणे जिल्ह्यातील वातावरण आज ढगाळ आणि सूर्यप्रकाशित राहणार आहे. आज तापमानात 2 अंशांची घट झाली असून किमान तापमान 16 अंशांवर आलं आहे. तर कमाल तापमान 29 अंश सेल्सिअस राहण्याचा अंदाज आहे.

साताऱ्यात अवकाळी पावसाने माघार घेतल्यानंतर पुन्हा थंडी वाढली आहे. सातारा जिल्ह्यात वातावरण पूर्णतः सूर्यप्रकाशित राहणार आहे. आज 28 अंश सेल्सिअस कमाल तर 14 अंश सेल्सिअस किमान तापमान असेल.

सांगली जिल्ह्यात आज वातावरण कोरडं राहून सूर्यप्रकाशित राहणार आहे. तापमानात देखील 1 अंशांची घट झाली असून किमान तापमान 16 अंश सेल्सिअस राहणार आहे. आज कमाल तापमान 30 अंश सेल्सिअस राहण्याचा अंदाज आहे.

कोल्हापूर जिल्ह्यात सकाळी दाट धुके पडले असून दुपारनंतर सूर्यप्रकाशित वातावरण राहणार आहे. तर जिल्ह्यात थंडीचा जोर देखील वाढला असून पारा 15 अंशांपर्यंत घसरला आहे. आज कमाल तापमान देखली 30 अंशांवर आलं आहे.

सोलापूर जिल्ह्यात वातावरण सूर्यप्रकाशित राहणार आहे. तसेच थंडीचा कडाका देखील वाढला आहे. आज 31 अंश सेल्सीअस कमाल तर 17 अंश सेल्सीअस किमान तापमान असेल.