Post Office Saving Schemes: 8 लाख गुंतवले तर 5 वर्षात किती पैसे मिळणार?

मुंबई: सध्या शेअर मार्केट खूप क्रॅश होत आहे. आणखी 18 महिने खडतर जातील असं तज्ज्ञांचं म्हणणं आहे. दुसरीकडे सोनं खरेदी अवाक्याबाहेर आहे. मग अशावेळी सुरक्षित गुंतवणूक कुठे करावी असा प्रश्न तुम्हाला पडला असेल तर थांबा, पोस्ट ऑफिसमध्ये तुम्ही पैसे गुंतवून चांगले रिटर्न मिळवू शकता. तुम्हाला ही स्कीम माहिती नसेल तर समजून घ्या आणि लगेच सुरूही करा, ही स्कीम सुरक्षित आहे शिवाय यावर एफडीपेक्षा जास्त रिटर्न्स देखील मिळतात.

पोस्ट ऑफिस एफडीला टाइम डिपॉझिट (Time Deposit) असेही म्हटले जाते. ही एक निश्चित मुदतीची गुंतवणूक योजना आहे, ज्यामध्ये तुमचे पैसे ठराविक काळासाठी गुंतवले जातात आणि त्यावर ठरलेला व्याजदर मिळतो.

जर तुम्ही 5 वर्षांसाठी गुंतवणूक केली तर तुम्हाला सध्या 7.5% वार्षिक व्याज मिळते. ही स्कीम खास करून लो रिस्क इन्व्हेस्टर्ससाठी आहे, जे शेअर बाजाराच्या चढ-उतारांपासून लांब राहू इच्छितात.

पोस्ट ऑफिसच्या या एफडी स्कीममध्ये 1, 2, 3 आणि 5 वर्षांसाठी गुंतवणुकीचे पर्याय आहेत. इथे 7.5% पर्यंत वार्षिक व्याजदर मिळतं. शिवाय गँरेंटीसह सुरक्षित रिटर्न्स मिळतात. 5 वर्षांच्या FD वर आयकर कलम 80C अंतर्गत टॅक्स बेनिफिट मिळतात. वेळेआधी पैसे काढण्याचा पर्याय आहे. पुन्हा नव्याने मुदतवाढ करता येते.

जर तुम्ही 8 लाख रुपये पोस्ट ऑफिस FD मध्ये गुंतवले आणि तुम्ही ही गुंतवणूक 15 वर्षांसाठी टिकवली, तर तुम्हाला मिळणारा परतावा कसे रिटर्न्स मिळतील समजून घेऊया. 5 वर्ष एकूण रक्कम 11.50 लाख त्यावर 3.59 लाख रुपये बोनस मिळेल. 10 वर्षांसाठी 16.81 लाख रुपये ठेवले तर 8.81 लाख रुपये बोनस मिळेल.

सध्या शेअर बाजारात प्रचंड अस्थिरता दिसत आहे. त्यामुळे लोक लो-रिस्क आणि सुरक्षित गुंतवणूक पसंत करत आहेत. पोस्ट ऑफिस FD ही योजना त्यासाठी परफेक्ट पर्याय आहे. सरकारची योजना असल्यामुळे 100% सुरक्षित तर आहेच पण कंपाउंडिंग व्याजाचा फायदा मिळतो.

पोस्ट ऑफिस एफडी (Post Office FD) ही गुंतवणुकीसाठी सर्वात सुरक्षित आणि विश्वासार्ह स्कीम मानली जाते. शेअर मार्केटमधील अस्थिरतेपासून दूर राहून गारंटीड परतावा मिळवायचा असेल तर ही स्कीम तुमच्यासाठी बेस्ट ऑप्शन ठरू शकते. पोस्ट ऑफिसची ही योजना केवळ सुरक्षित नाही, तर तुम्हाला दुप्पट फायदा देणारी आहे.