Mumbai Weather : जोरदार वारे, विजांचा कडकडाट, मुंबईसाठी पुढील 24 तासात पावसाचा अंदाज काय?

2 जून 2025 रोजी मुंबई, नवी मुंबई, ठाणे, पालघर आणि कोकण विभागात हवामानात बदल होण्याची शक्यता आहे. भारतीय हवामान विभागाच्या (IMD) अंदाजानुसार, या भागांमध्ये आंशिक ढगाळ वातावरण राहील आणि काही ठिकाणी हलक्या ते मध्यम स्वरूपाच्या पावसाच्या सरी पडण्याची शक्यता आहे. मुंबई आणि उपनगरांमध्ये कमाल तापमान सुमारे 35 अंश सेल्सिअस आणि किमान तापमान सुमारे 29 अंश सेल्सिअस राहण्याचा अंदाज आहे. जाणून घेऊया आजचे हवामान अपडेट.

मुंबईत 2 जून 2025 रोजी आंशिक ढगाळ वातावरण राहण्याची शक्यता असून, दिवसभरात हलक्या ते मध्यम स्वरूपाच्या पावसाच्या सरी कोसळू शकतात. भारतीय हवामान विभागानुसार, समुद्रातून येणाऱ्या दमट वाऱ्यांमुळे उष्णता आणि आर्द्रतेची पातळी अधिक जाणवेल. कमाल तापमान अंदाजे 35 अंश सेल्सिअस तर किमान तापमान 29 अंश सेल्सिअसच्या आसपास राहण्याची शक्यता आहे. सायंकाळच्या सुमारास काही भागांत विजांच्या कडकडाटासह पावसाची शक्यता असून नागरिकांनी सुरक्षित स्थळी राहण्याचा सल्ला देण्यात आला आहे.

ठाणे आणि नवी मुंबई या दोन्ही ठिकाणी 2 जून रोजी आंशिक ते पूर्ण ढगाळ वातावरण अपेक्षित आहे. ठाणे व नवी मुंबईमध्ये सकाळपासूनच हलक्या पावसाच्या सरी सुरू राहण्याची शक्यता आहे, तसेच दिवसभरात काही भागांमध्ये मध्यम स्वरूपाचा पाऊस पडू शकतो. हवामान खात्याने वाऱ्याचा वेग ताशी 30 ते 40 किमी पर्यंत जाण्याची शक्यता वर्तवली आहे. विजांच्या कडकडाटासह वादळाची शक्यता असल्यामुळे नागरिकांनी उघड्या जागेत थांबणं टाळावं. या भागात कार्यालयीन व शाळेच्या वेळात वाहतूक अडथळ्यांचा अनुभव येण्याची शक्यता आहे.

पालघर जिल्ह्यात 2 जून रोजी हवामानात लक्षणीय बदल होण्याची शक्यता आहे. येथील काही भागांत मध्यम ते जोरदार स्वरूपाचा पाऊस पडण्याची शक्यता असून विजांच्या कडकडाटासह वादळी वारा देखील येऊ शकतो. वाऱ्याचा वेग ताशी 40 किमी पर्यंत जाऊ शकतो. सागरी भागात विशेषतः मासेमारी करणाऱ्यांनी खबरदारी घेणे आवश्यक आहे. विजेचा धोका असल्यामुळे खुले भाग, झाडाखाली थांबणे व धातूच्या वस्तूंना स्पर्श करणे टाळावं. स्थानिक प्रशासनाने सतर्क राहण्याचे आवाहन केले आहे.

कोकण किनारपट्टीवरील भागांमध्ये ढगाळ वातावरण असून अनेक ठिकाणी मध्यम ते जोरदार पावसाच्या सरी पडण्याची शक्यता आहे. हवामान खात्याच्या अंदाजानुसार, कोकणात मेघगर्जनेसह वादळी पावसाची चिन्हं आहेत. यामध्ये वाऱ्याचा वेग 40 किमी प्रतितासापर्यंत जाऊ शकतो. शेतकरी आणि मासेमार बांधवांना खबरदारी घेण्याचं आवाहन करण्यात आलं आहे, तसेच समुद्रकिनाऱ्यावर जाणं टाळण्याचा सल्ला देण्यात आला आहे.