Pune accident : महामार्गावर रक्ताचा सडा; मृतदेह विखुरले, अंत्यविधीवरून परतणाऱ्या अनेकांना नियंत्रण सुटलेल्या ट्रकनं चिरडलं

पुण्यातून भीषण अपघाताची बातमी समोर आली आहे, कल्याण-अहमदनगर महामार्गावर चालकाचं ट्रकवरील नियंत्रण सुटून भीषण अपघात झाला आहे.

या अपघातामध्ये पाच जणांचा मृत्यू झाला आहे, तर अनेक जण जखमी झाल्याचं वृत्त आहे. जखमींना स्थानिकांच्या मदतीनं उपचारासाठी रुग्णालयात दाखल करण्यात आलं आहे.

हा अपघात कल्याण- अहमदनगर मार्गावरील गुळुंचवाडी परिसरात झाला आहे. या अपघातामध्ये पाच जणांनी आपला जीव गमावला आहे.

भरधाव ट्रकवरील चालकाचं नियंत्रण सुटल्यानं हा अपघात झाला आहे, या ट्रकनं तीन दुचाकीस्वारांना चिरडलं, तर अंत्यविधीवरून येणाऱ्या अनेक व्यक्तींना देखील चिरडल्याची घटना घडली आहे.

दरम्यान ट्रकवरील नियंत्रण सुटून हा अपघात झाल्याची माहिती समोर येत आहे. कल्याण - अहमदनगर मार्गावर हा अपघात झाला.

या अपघातानंतर नागरीक चांगलेच आक्रमक झाले आहेत. संतप्त नागरिकांकडून रास्तारोको करण्यात आला आहे.

नागरिकांनी घटनास्थळी रास्तारोको केल्यामुळे इथे काही काळ गोंधळाचं वातावरण निर्माण झाल्याचं पाहायला मिळालं.