Weather Alert: दिवाळीआधी हवामानात मोठे बदल, पश्चिम महाराष्ट्रात धो धो कोसळणार, या जिल्ह्यांना अलर्ट

महाराष्ट्राच्या बहुतांश भागातून मान्सून परतला आहे. राज्यात उन्हाचा चटका कायम असताना पावसासाठी पोषक हवामान आहे. आज 16 ऑक्टोबर रोजी कोकण, मध्य महाराष्ट्र, मराठवाडा आणि विदर्भात विजांसह पावसाची शक्यता आहे. त्यामुळे हवामान विभागाकडून सतर्कतेचा इशारा देण्यात आला आहे. गुरुवारचा हवामान अंदाज जाणून घेऊ.

पुणे जिल्ह्यात बुधवारी 31.8 अंश सेल्सिअस कमाल तापमानाची नोंद झाली. आज पुणे जिल्ह्यात विजांसह पावसाची शक्यता असल्याने दक्षतेचा यलो अलर्ट हवामान विभागाने व्यक्त केला आहे. यावेळी कमाल तापमानाचा पारा 32 अंशावर राहील. यावेळी विजांच्या कडकडाटासह वादळी पाऊस पडेल.

मागील 24 तासात सातारा जिल्ह्यातील कमाल तापमान 32.4 अंश सेल्सिअस इतके राहीले. आज संपूर्ण साताऱ्यासह घाटमाथ्यावर विजांसह पावसाची शक्यता असल्याने दक्षतेचा यलो अलर्ट हवामान विभागाकडून वर्तवण्यात आला आहे. 30 ते 40 किलोमीटर प्रतितास वेगवान वारे, विजांसह पावसाची शक्यता आहे.

कोल्हापूर जिल्ह्यात बुधवारी 31.2 अंश सेल्सिअस तापमानाची नोंद झाली. पुढील 24 तासात कोल्हापूरसह घाटमाथ्यावर विजांसह पावसाची शक्यता आहे. यावेळी कमाल तापमान 30 अंश सेल्सिअस इतके राहिल.

बुधवारी सोलापूर जिल्ह्यात 34.7 अंश सेल्सिअस कमाल तापमानाची तसेच 2 मिलिमीटर पावसाची नोंद झाली. आज सोलापूर जिल्ह्यात विजांसह पावसाची शक्यता आहे. यावेळी कमाल तापमान 35 अंशावर पोहचेल.

सांगली जिल्ह्यात मागील 24 तासात 29.6 अंश सेल्सिअस तापमानाची नोंद झाली. बुधवारी जिल्ह्यात विजांसह जोरदार पावसाने हजेरी लावली. जत, कवठेमहांकाळ, पलूस, कडेगाव परिसरामध्ये पावसाने धुमाकूळ घातला. आज जिल्ह्यास विजांसह पावसाची शक्यता वर्तवण्यात आली आहे. यावेळी पारा 34 अंशावर राहण्याचा अंदाज हवामान विभागाकडून वर्तवण्यात आला आहे.

आज संपूर्ण पश्चिम महाराष्ट्रात विजांसह पावसाची शक्यता असल्याने दक्षतेचा इशारा देण्यात आला आहे. तसेच उर्वरित राज्यात तुरळक ठिकाणी विजांसह पावसाचा अंदाज आहे. कमाल तापमान 32 अंशांच्या वर असून त्यात वादळी पावसाची शक्यता आहे. त्यामुळे नागरिकांना योग्य ती काळजी घ्यावी लागेल.