Astrology:12 वर्षांनी आला मोठा योग, 4 राशींचं उजळणार नशीब; आर्थिक संकट होतील दूर

ज्योतिषशास्त्रानुसार गुरू हा मंदगती ग्रह मानला जातो. गुरू सध्या शुक्राच्या वृषभ राशीत गोचर करत आहे. याच राशीत गुरू वक्री होत आहे. गुरूचं वक्री गोचर महत्त्वपूर्ण मानलं जातं. वृषभ राशीत गुरू वक्री होताच बारापैकी चार राशींना अत्यंत अनुकूल फळं मिळू शकतात.  

गुरू हा ग्रह संतती, शिक्षण, ज्ञानाचा स्वामी मानला जातो. ज्या व्यक्तीच्या कुंडलीत गुरू शुभ स्थितीत असतो, अशा व्यक्तीला जीवनात सुख-समृद्धी लाभते. गुरू सध्या शुक्राच्या वृषभ राशीतून गोचर करत आहे. लवकरच नवरात्रौत्सव सुरू होत आहे. नवरात्रीच्या काळात महत्त्वाचे ग्रह राशिपरिवर्तन करत आहेत. नवरात्रीच्या पहिल्या दिवशी शनी नक्षत्र परिवर्तन करील.

त्यानंतर 9 ऑक्टोबरला गुरू वक्री होत आहे. सुमारे बारा वर्षांनी गुरू वृषभ राशीत वक्री होत आहे. चार फेब्रुवारी 2025 पर्यंत गुरू वृषभ राशीत वक्री गोचर करील. यामुळे चार राशींना शुभ फळ मिळणार आहे. यात मेष, वृषभ, मिथुन आणि धनू राशीचा समावेश आहे.

मेष : सध्या या राशीच्या व्यक्तींसाठी शनीची स्थिती अनुकूल नाही; पण गुरूचं वक्री भ्रमण या व्यक्तींना समस्यांपासून दिलासा देईल. तुमच्या संवाद कौशल्यावर कामं होतील. अधूनमधून आर्थिक लाभ होतील.

वृषभ : सध्या गुरू याच राशीत असून इथेच वक्री होत आहे. गुरूचं वक्री गोचर या राशीच्या व्यक्तींसाठी लाभदायक असेल. तुमचा आत्मविश्वास वाढेल. करिअरमध्ये नावलौकिक होईल. अपेक्षित पद मिळेल. व्यापाऱ्यांना धनलाभ होईल. अविवाहित व्यक्तींना विवाहासाठी चांगले प्रस्ताव मिळतील.

मिथुन : गुरूचं वक्री गोचर या राशीच्या व्यक्तींसाठी अनुकूल असेल. तुम्हाला धनलाभ होऊ शकतो. तसंच तुम्ही बचत करू शकाल. नवीन नोकरी मिळू शकते. परदेशप्रवासाचे योग आहेत. एखादं रखडलेलं काम पूर्ण होईल.

धनू : या राशीच्या व्यक्तींना न्यायालयीन प्रकरणात यश मिळू शकतं. विरोधक पराभूत होतील. मालमत्ता खरेदीचे योग आहेत. नवीन वाहनखरेदी करू शकता. विवाहयोग आहेत. बँक बॅलन्स वाढेल.

Disclaimer: ( इथं दिलेली माहिती धार्मिक श्रद्धेवर आधारित आहे. याला कोणताही शास्त्रीय पुरावा नाही. ज्योतिषाचार्यांनी आपली मतं व्यक्त केली आहे. त्या न्यूज18 मराठी सहमत नाही. न्यूज 18 मराठी अशा कोणत्याही धार्मिकतेवर आधारीत माहितीची हमी देत नाही.)