पैशांचा होईल वर्षाव! घरामध्ये मनी प्लांट लावताना टाळा 'या' चुका, काही दिवसातंच चमकेल नशीब

घरामध्ये सुख, समृद्धी आणि पैशांचा ओघ वाढवण्यासाठी वास्तुशास्त्रामध्ये मनी प्लांटला अनन्यसाधारण महत्त्व दिले जाते. नावाप्रमाणेच हे रोप घरामध्ये धन आकर्षित करण्याचे काम करते. मात्र, अनेक वेळा मनी प्लांट लावूनही घरामध्ये आर्थिक चणचण भासते किंवा रोपाची वाढ होत नाही. याचे मुख्य कारण म्हणजे ते चुकीच्या दिशेला लावणे असू शकते.

ईशान्य दिशा टाळा: मनी प्लांट कधीही घराच्या ईशान्य कोपऱ्यात लावू नका. ही दिशा देवस्थान मानली जाते आणि याचा स्वामी गुरु आहे. शुक्र आणि गुरु यांच्यातील शत्रुत्वामुळे या दिशेला मनी प्लांट लावल्यास आर्थिक नुकसान आणि आरोग्याच्या समस्या उद्भवू शकतात.

वेली जमिनीला स्पर्श करू देऊ नका: मनी प्लांटच्या वेली जशा वाढतात, तशा त्या वरच्या दिशेला जातील याची काळजी घ्या. वेली जमिनीवर पसरणे अशुभ मानले जाते; यामुळे घरातून पैसा बाहेर जातो असे मानले जाते. वेलींना काठीचा किंवा दोरीचा आधार देऊन त्या नेहमी वरच्या दिशेला ठेवाव्या.

सुकलेली पाने ताबडतोब काढा: जर मनी प्लांटची पाने पिवळी पडली असतील किंवा सुकली असतील, तर ती तात्काळ कापून टाका. सुकलेले रोप घरात गरिबी आणि नकारात्मकता घेऊन येते. हिरवेगार रोप हे वाढत्या संपत्तीचे प्रतीक आहे.

घराच्या आत लावा: वास्तूनुसार मनी प्लांट घराच्या बाहेर अंगणात लावण्यापेक्षा घराच्या आत लावणे अधिक श्रेयस्कर आहे. हे रोप थेट सूर्यप्रकाशापेक्षा घराच्या सावलीत चांगले वाढते. हॉलमध्ये किंवा खिडकीजवळ जिथे पुरेसा उजेड असेल, तिथे ते ठेवणे शुभ असते.

निळ्या काचेच्या बाटलीचा वापर: जर तुम्ही मातीऐवजी पाण्यात मनी प्लांट लावत असाल, तर ते निळ्या किंवा हिरव्या रंगाच्या काचेच्या बाटलीत लावावे. निळा रंग पैशांना आकर्षित करण्यास मदत करतो. लाल किंवा पिवळ्या रंगाची बाटली वापरणे टाळावे.

दुसऱ्याला देऊ नका किंवा चोरू नका: असे मानले जाते की आपल्या घरातील मनी प्लांट कोणालाही भेट म्हणून देऊ नये, कारण यामुळे घरातील 'बरकत' दुसऱ्याकडे जाते. तसेच, दुसऱ्याच्या घरून चोरून आणलेले रोप लावण्याऐवजी स्वतः विकत आणलेले रोप लावणे अधिक फलदायी ठरते.