Temba Bavuma : बऊमाची हाईट जास्तच... जगातला सगळ्यात बुटका क्रिकेटर माहितेय? लिस्टमध्ये 5 भारतीय

इडन गार्डन टेस्टच्या पहिल्या इनिंगमध्ये बऊमाच्या एलबीडब्ल्यूवरून बुमराह त्याला बुटका म्हणाला. डीआरएस घ्यायचा का नाही, यावर चर्चा सुरू असताना बुमराहने हे वक्तव्य केलं, याचा व्हिडिओ सोशल मीडियावर व्हायरल झाला.

भारताचे माजी क्रिकेटपटू, प्रशिक्षक रवी शास्त्री यांनी कॉमेंट्री करत असतानाही बऊमावर त्याच्या उंचीवरून निशाणा साधला. बऊमाच्या बुटाच्या साईझवर शास्त्रींनी भाष्य केलं.

आंतरराष्ट्रीय क्रिकेट खेळलेल्या खेळाडूंची उंची पाहिली तर टेम्बा बऊमा हा सगळ्यात कमी उंची असलेला खेळाडू नाही. बऊमापेक्षा तब्बल 12 क्रिकेटपटू कमी उंचीचे होते. टेम्बा बऊमाची उंची 5 फूट 4 इंच आहे.

आंतरराष्ट्रीय क्रिकेट खेळलेला सगळ्यात कमी उंचीचा खेळाडू न्यूझीलंडचा होता. क्रुगर व्हॅन वीक याची उंची फक्त 4 फूट 9 इंच होती. क्रुगर व्हॅन वीक 2012 साली न्यूझीलंडकडून खेळला.

या यादीमध्ये दुसऱ्या क्रमांकावर इंग्लंडचे टिच कॉर्नफोर्ड आहेत, ज्यांची उंची 5 फूट होती. तर भारताचे महान क्रिकेटपटू सुनिल गावसकर या यादीत तिसऱ्या क्रमांकावर आहेत. गावसकरांची उंची 5 फूट 2 इंच आहे.

इंग्लंडच्या टिच फ्रीमन यांची उंचीही 5 फूट 2 इंच आहे. तर बांगलादेशचा मुशफिकुर रहीम, भारताचा पार्थिव पटेल, ऑस्ट्रेलियाचे डेव्हिड बून, भारताचे गुंडप्पा विश्वनाथ यांची उंची 5 फूट 3 इंच आहे.

बांगलादेशचा मोमिनुल हकची उंची 5 फूट 3.5 इंच आहे. याशिवाय पृथ्वी शॉ, केदार जाधव, टेम्बा बऊमा, सईद अजमल, डेव्हिड विलियम्स, आलविन कालिचरन यांची उंची 5 फूट 4 इंच आहे.

सचिन तेंडुलकर, रंगना हेराथ, टटेंडा टायबू, फिडेल एडवर्ड्स, अदनान अकमल या क्रिकेटपटूंची उंची 5 फूट 5 इंच आहे.