टीम इंडियाची दार बंद, मुंबईला चॅम्पियन बनवणारा खेळाडू इंग्लंडमध्ये खेळणार

टीम इंडियात असे अनेक खेळाडू होऊन गेले आहेत, जे देशांतर्गत क्रिकेटमध्ये उत्कृष्ट कामगिरी करतायत, पण त्यांची संघात वापसी झालेली नाही. त्यामुळे टीम इंडियात संधी मिळत नसल्याने या खेळाडूने आता इंग्लंडमध्ये खेळण्याचा निर्णय घेतला आहे. हा खेळाडू कोण आहे? व त्याने हा निर्णय का घेतलाय? हे जाणून घेऊयात.

टीम इंडियाचा स्टार खेळाडू शार्दुल ठाकूर बऱ्याच काळापासून टीम इंडियातून बाहेर आहे.वर्षभराहून अधिक काळ लोटला आहे,पण कोणताही आंतरराष्ट्रीय सामना त्याने खेळलेला नाही. रणजी ट्रॉफी स्पर्धेत तो मुंबई संघाकडून दमदार कामगिरी करत आहे, मात्र तरी टीम इंडियात त्याची वापसी होत नाही.त्यामुळे आता शार्दुल ठाकूरने मोठा निर्णय घेतला आहे.

शार्दुल 2025 च्या काउंटी चॅम्पियनशिपसाठी एसेक्स संघाचा भाग असणार आहे. टीम इंडियाला जूनमध्ये इंग्लंड विरूद्ध त्याच्या घरच्या मैदानावर कसोटी मालिका खेळायची आहे.अशा परिस्थितीत काऊंटी चॅम्पियनशिपमध्ये चांगली कामगिरी करून शार्दुल ठाकूरचा टीम इंडियात पुनरागमन करण्याचा प्रयत्न करेल.

दरम्यान याआधी पृथ्वी शॉ याने दीर्घ काळापासून टीम इंडियासाठी कोणताही आंतरराष्ट्रीय सामना खेळलेला नव्हता. पण क्रिकेट सूरू ठेवण्यासाठी आणि टीम इंडियात पुनरागमन करण्यासाठी त्याने इंग्लंडमध्ये खेळल्या गेलेल्या काऊंटी चॅम्पियनशीपमध्ये अनेकवेळा भाग घेतलेला आहे.

शार्दुल ठाकूर एसेक्स संघाकडून काऊंटी चॅम्पियनशीप 2025 ही स्पर्धा खेळणार आहे. ज्यामध्ये शार्दुल ठाकूर 7 सामने खेळणार आहे. तसेच एसेक्स संघात सामील होण्यासाठी मी खूप उत्सुक असल्याचे शार्दुल ठाकूरने म्हटले आहे.

शार्दुल ठाकून यावेळी आयपीएलचाही भाग नसणार आहे. शार्दुलला आयपीएल 2025 साठी चेन्नई सुपर किंग्स संघानेही कायम ठेवले नाही. पण आयपीएलच्या लिलावातही त्याला कोणत्याही संघाने खरेदी केले नाही. त्याने लिलावात मूळ किंमत 2 कोटी ठेवली होती.

शार्दुलने टीम इंडियासाठी 11 कसोटी, 47 वनडे आणि 25 टी20 सामने खेळले आहेत. या काळात त्याने 129 विकेटस घेतल्या आहेत. तसेच 5 अर्धशतकासह त्याने 729 धावाही केल्या आहेत.