IND vs SA : ऑक्सिजनची पातळी 50 वर, 10 मिनिटंही उभा राहू शकला नाही टीम इंडियाचा खेळाडू! साऊथ अफ्रिकाविरुद्ध 'नो एन्ट्री'

आगामी साऊथ आफ्रिकेविरुद्धच्या (South Africa) वनडे मालिकेपूर्वी टीम इंडियासाठी एक चिंताजनक बातमी समोर येत आहे. भारताचा उपकर्णधार खेळणार नसल्याचं समजतंय.

टीमचा उपकर्णधार श्रेयस अय्यर याच्या तंदुरुस्तीबद्दल शंका निर्माण झाली आहे. ऑस्टेलियातून परतल्यानंतर त्याला आंतरराष्ट्रीय क्रिकेट खेळण्यासाठी आणखी वेळ लागेल, असे संकेत मिळत आहेत.

अय्यरच्या सध्याच्या स्थितीबद्दल निवड समितीला माहिती देण्यात आली आहे. वैद्यकीय अहवालानुसार (medical report) त्याला पूर्णपणे मॅच फिट होण्यासाठी जवळपास एका महिन्यापेक्षा जास्त कालावधी लागू शकतो.

भारतीय क्रिकेट बोर्डातील एका सूत्राने सांगितले की, तो पूर्णपणे मॅच फिट होण्यासाठी अधिक वेळ घेईल आणि बोर्ड तसेच निवड समितीला दुखापतीनंतर कोणतीही घाई करायची नाहीये.

त्यामुळे श्रेयस अय्यर साऊथ आफ्रिका वनडे मालिकेसाठी खेळण्याची शक्यता कमी आहे. अय्यरच्या दुखापतीच्या वेळी घडलेला एक गंभीर प्रसंग देखील समोर आला आहे.

एका सूत्राने स्पष्ट केले की, दुखापतीमुळे अय्यरच्या शरीरातील ऑक्सिजन पातळी 50 पर्यंत खाली आली होती आणि सुमारे 10 मिनिटांपर्यंत तो नीट उभा राहू शकत नव्हता.

श्रेयसच्या डोळ्यांभोवती संपूर्ण अंधार पसरला होता आणि त्याला सामान्य स्थितीत येण्यासाठी काही वेळ लागला होता. त्यामुळे बीसीसीआय कोणतीही रिस्क घेणार नाहीये.

टीम इंडिया 14 नोव्हेंबरपासून दोन कसोटी मॅच खेळल्यानंतर टीम इंडिया रांची, रायपूर आणि विशाखापट्टणम येथे 3 वनडे मॅच खेळणार आहे.