काय सांगता! मुलांच्या जन्मानंतर पालकांना मिळणार 62 लाख; कसा घ्यायचा या योजनेचा लाभ पाहा

मुलांच्या जन्मासाठी तशा काही सरकारी योजना आहेत. विशेषत: मुलींचा जन्म झाल्यावर सरकार काही निधी देतं. पण हा निधी काही हजार रुपये असतो. पण कुणी तुम्हाला मुलांना जन्म दिल्यानंतर लाखो रुपये देत असेल तर...

एका कंपनीनं आपल्या कर्मचाऱ्यांसाठी ही योजना सुरू केली. कंपनीनं आपल्या कर्मचाऱ्यांना मुलांना जन्म देण्यासाठी इन्सेन्टिव्ह जारी केला आहे. कंपनीनं एका प्रेस रिलीजमध्ये सांगितलं की, मुलांना जन्म दिल्यावर ते आपल्या कर्मचाऱ्यांना 62.34 लाख रुपये देणार. हा फायदा पुरुष आणि महिला दोघांना आहे.

आता ही कंपनी कोणती आहे हे जाणून घेण्याची उत्सुकता तुम्हाला असेल. बुयंग ग्रुप नावाची ही कंपनी. जी दक्षिण कोरियातील कन्स्ट्रक्शन कंपनी आहे. त्यामुळे साहजिकच ही योजना भारतातील नाही. त्यामुळे याचा लाभ आपल्याला तरी मिळणार नाही.

आता कंपनी मुलांना जन्म देण्यासाठी इतका पैसा का देत आहे, असा प्रश्न तुम्हाला पडला असेल. याचं कारण आहे, घटता प्रजनन दर. दक्षिण कोरियातील जन्मदर झपाट्याने कमी होतो आहे. सध्या तो 0.78 आहे जो जगातील सर्वात कमी प्रजनन दर आहे. स्टॅटिक्टिक्स कोरियाच्या आकडेवारीनुसार 2025 सालापर्यंत हा आकडा 0.65 पर्यंत घसरेल.

त्यामुळे कंपनी कर्मचाऱ्यांना अशी आर्थिक मदत देऊन जास्तीत जास्त मुलं जन्माला घालण्यासाठी प्रोत्साहित करत आहे. (सर्व फोटो - प्रतीकात्मक)