कोण आहेत भारतातील Top 5 IPS? ज्यांचं नाव घेतात थरथर कापतात गुन्हेगार, लिस्टमध्ये 2 'दबंग लेडीचं' नाव

UPSC नागरी सेवा परीक्षा 2025 चा निकाल नुकताच जाहीर झाला आहे. देशभरातील लाखो विद्यार्थ्यांनी या परीक्षेसाठी तयारी केली होती. यातून निवड होणाऱ्या उमेदवारांना IAS, IPS, IFS यांसारख्या सर्वोच्च सेवांमध्ये संधी मिळते.

ही परीक्षा तीन टप्प्यांत घेतली जाते. प्रिलिम्स, मेन आणि मुलाखत. यंदाही अनेक विद्यार्थ्यांनी आपली स्वप्नं पूर्ण करत देशसेवेसाठी पहिले पाऊल उचलले आहे.

याच निमित्ताने, देशातील टॉप आयपीएस अधिकाऱ्यांविषयी जाणून घेणं फार महत्त्वाचं ठरतं. ज्यांनी ना केवळ यूपीएससी उत्तीर्ण केली, तर समाजातही आदर्श निर्माण केला आहे.

IPS अंकिता शर्मा
नक्षल भागात लढणारी 'दबंग' अधिकारी
अंकिता शर्मा या 2018 बॅचच्या छत्तीसगड केडरच्या आयपीएस अधिकारी आहेत. त्यांनी तिसऱ्या प्रयत्नात UPSC परीक्षा उत्तीर्ण करत 203 वी रँक मिळवली. त्या बस्तरमधील नक्षल ऑपरेशनचं नेतृत्व करणाऱ्या पहिल्या महिला IPS अधिकारी आहेत. दुर्ग जिल्ह्यातील एका सरकारी शाळेतून शिक्षण घेतलेल्या अंकिता आज राज्यात प्रेरणास्थान ठरल्या आहेत.

IPS शिवदीप लांडे
गुन्हेगारी रोखणारा 'रिअल लाईफ हिरो'
शिवदीप लांडे हे 2006 च्या बॅचचे बिहार केडरचे IPS अधिकारी आहेत. ते मूळचे महाराष्ट्रातील असून त्यांनी अभियांत्रिकी केल्यानंतर UPSC ची तयारी केली. पाटणा येथे एसपी असताना त्यांनी गुन्हेगारीला मोठ्या प्रमाणात आळा घातला. त्यांच्या धडसी निर्णयामुळे लोक त्यांना ‘रिअल लाईफ सिंघम’ म्हणतात. पण त्यांनी नंतर राजीनामा दिला.

IPS मृदुल कछावा
चंबळच्या खोऱ्यात डाकूंना धडा शिकवणारा अधिकारी
2015 बॅचचे आयपीएस अधिकारी मृदुल कछावा हे राजस्थानातील बिकानेरचे रहिवासी आहेत. त्यांनी बी.कॉमसह सीए आणि सीएसचे शिक्षण घेतलं आहे. धोलपूरमध्ये एसपी असताना त्यांनी ४५ डाकूंना पकडलं, म्हणून त्यांना ‘चंबळचा सिंघम’ म्हटलं जातं.

IPS लिपी सिंह
लेडी सिंघम म्हणून प्रसिद्ध, बिहार केडरच्या 2016 बॅचच्या आयपीएस अधिकारी लिपी सिंह यांनी 2015 मध्ये UPSC मध्ये AIR 114 मिळवली होती. त्यांनी दिल्ली विद्यापीठातून कायद्याचे शिक्षण घेतले असून, त्यांनी बिहारमधील प्रभावशाली आमदार अनंत यांना अटक करत खळबळ उडवली होती. त्यांचे पती सुहर्ष भगत हेही IAS अधिकारी आहेत.

IPS नवनीत सिकेरा
1996 च्या बॅचचे IPS नवनीत सिकेरा हे यूपी केडरचे अधिकारी आहेत. त्यांचे शिक्षण फिरोजाबादमधून झाले असून त्यांनी IIT दिल्लीमधून बीटेक केलं. बीटेकनंतर UPSCची तयारी करत त्यांनी अधिकारी म्हणून जबरदस्त ओळख निर्माण केली. ते आजही यूपी पोलिसांच्या कार्यशैलीचा एक मानबिंदू मानले जातात.

ही अधिकारी मंडळी केवळ UPSC उत्तीर्ण झाले नाहीत, तर आपल्या कार्याने समाजात बदल घडवून आणण्याचं मोठं काम करत आहेत.