Vidhan Parishad Session : विधानपरिषदेत शिवीगाळ करणे दानवेंच्या अंगलट; उपसभापती निलम गोऱ्हेंनी घेतला मोठा निर्णय

मुंबई, (राहुल प्रभू, प्रतिनिधी) : राज्यात विधीमंडळाचे पावसाळी अधिवेशन सुरू आहे. या सरकारचे हे शेवटचे अधिवेशन असल्याने विरोधक सत्ताधाऱ्यांना कोंडीत पकडण्याचा प्रयत्न करत आहेत. यातूनच अनेकदा आमदारांमध्ये खडाजंगी होताना पाहायला मिळत आहे. आज अशीच एक घटना विधान परिषदेत घडली. भाजपचे आमदार प्रसाद लाड आणि ठाकरे गटाचे विरोधी पक्षनेते अंबादास दानवे यांच्यामध्ये जोरदार खडाखडी झाली. सभागृहातच दानवे आणि लाड यांनी एकमेकांना शिवीगाळ केली. या प्रकारानंतर कामकाज थांबवण्यात आलं. मात्र, सभागृहात घडलेल्या या घटनेनंतर विधान परिषद उपसभापती नीलम गोऱ्हे यांनी नाराजी व्यक्त करत कारवाईचा इशारा दिला आहे.