Raj Thackeray : आरक्षणाची गरज नाही वक्तव्यावर राज ठाकरेंचं स्पष्टीकरण; जरांगेंवरून शरद पवारांवर निशाणा

सिद्धार्थ गोदाम, छत्रपती संभाजीनगर : मनसे अध्यक्ष राज ठाकरे हे महाराष्ट्र दौऱ्यावर असून त्यांनी सोलापूरपासून दौरा सुरू केला आहे. आज ते छत्रपती संभाजीनगरमध्ये असून त्यांनी पत्रकारांशी संवाद साधला. यावेळी राज ठाकरे यांनी आरक्षणाच्या मुद्द्यावर केलेल्या वक्तव्य प्रकरणी स्पष्टीकरण दिलं. तसंच मनोज जरांगे पाटील यांच्यावरही टीका केली. दिवाळीनंतर विधानसभा निवडणूक होईल अशी शक्यता आहे. त्यामुळे माझा पहिला दौरा सुरू आहे. २० पासून विदर्भ दौरा करेन. माझा दौरा हा आटोपता नाही तर पूर्ण झाला. काही ठिकाणी गॅप होता, पण तो घेतला नाही असंही राज ठाकरे म्हणाले.