'इथं रॉकीभाई फक्त आपले अजितदादा' रोहित पवारांचं तुफान भाषण, BJP आमदारांची तुलना 'गरुडा'शी!

राष्ट्रवादी काँग्रेस पक्ष फुटीनंतर अजित पवार आणि रोहित पवार हे काका पुतणे पहिल्यांदाच एका व्यासपीठावर आले होते.  दोन्ही राष्ट्रवादी काँग्रेसची युती झाल्यानंतर अजित पवार आणि रोहित पवार हे पहिल्यांदाच पिंपरी चिंचवड शहरातील प्रभाग क्रमांक 32 मधील उमेदवारांच्या प्रचारासाठी एकत्र आले आहेत. यावेळी रोहित पवारांनी काका अजितदादांवर स्तुतीसुमनं उधळली.

"पिंपरी चिंचवडमध्ये खूप मोठ्या प्रमाणात भ्रष्टाचार झाला आहे. या लोकांनी  इथं केला आहे. हे सगळं पाहून मला एक सिनेमा आठवतोय KGF नावाचा तो सिनेमा आहे. त्यामध्ये एक गरूडा नावाचा व्हिलन आहे. गरुडाचे केस असे वाढलेले आहे. इथं दोन गरुडा आहे, एक दाढीवाला गरूडा ( भाजप आमदार महेश लांडगे) आहे, एक बिना धाडीवाला गरुडा (भाजप आमदार शंकर जगताप ) आहे. ही लोक काय करताय, केजीएफमध्ये खाणीतली सोनं काढण्यासाठी त्याचीच माणसं, सोनं विकण्यासाठी त्याची माणसं असतात. माणसं लागत असेल तर गरूडा त्याचीच माणसं आहे. जग आपलंच आहे, असं वागायची. आता इथं दोन गरूडा असेच वागताय, महापालिका स्वत:ची मालमत्ता आहे, असं वागत आहे. छोटे कंत्राटदार असतील, मोठे कंत्राटदार असतील या सगळ्या गोष्टांमध्ये या लोकांनी मलिदा खाल्ला आहे" अशी टीका रोहित पवारांनी केली.