Ajit Pawar : आधी पुण्यात डझनभर मोहरे फोडले, आता वेळ पिंपरी चिंचवडची! दादांना धक्का देण्याचा भाजपचा नवा प्लॅन

Pimpari Chichwad Municipal Election (गोविंद वाकडे, प्रतिनिधी) : एकीकडे पुणे महानगरपालिकेसाठी अजित पवार गट आणि काँग्रेस एकत्र येण्याच्या चर्चा सुरू असताना आता दुसरीकडे पिंपरी चिंचवड महानगरपालिकेत भाजपने अजित पवार यांना डिवचण्यास सुरूवात केली आहे. पिंपरी चिंचवड महानगरपालिका निवडणुकीच्या पार्श्वभूमीवर भाजपमध्ये मोठ्या प्रमाणात इनकमिंग सुरू असल्याचं पहायला मिळतंय. अशातच भाजप आमदार शंकर जगताप यांनी अजित पवार यांना थेट आव्हान दिलंय.