Pooja Khedkar : पूजा खेडकर प्रकरणानंतर बोगस दिव्यांग शिक्षक रडारवर! पुणे झेडपीचं मोठं पाऊल

पुणे जिल्हा परिषदेच्या सुमारे 11 हजार शिक्षक सेवेत आहेत. यापैकी अनेक शिक्षक हे रूजू होतांना दिव्यांग प्रमाणपत्र सादर करतात. रूजू झाल्यानंतरही त्यांना पदोन्नती, बदली, आयकरात सूट, निवडणुकीच्या कामकाजातून सूट मिळण्यासारखे फायदे ही शिक्षकांकडून मिळवले जातात. त्यामुळे हे प्रमाणपत्र मिळवण्याची शिक्षकांमध्ये फार ओढ असल्याचंही प्रशासकीय अधिकाऱ्यांच्या नोंदीला आलंय. त्यामुळे ही माहिती संकलित करून जिल्हापरिषदेच्या वैद्यकीय अधिकाऱ्यांकडून तपासणी करून घेतली जाईल. त्यात काही आढळल्यावर पुढच्या कारवाईबाबत निर्णय घेतला जाईल असं शिक्षणाधिकाऱ्यांनी स्पष्ट केलंय.