वसईच्या भोंदूबाबाला पुण्यात येताच मिळालं 'कर्माचं फळ'; हडपसरच्या लॉजमधलं महिलेसोबतचं ते कांड भोवलं

वसईचा रहिवासी असलेल्या ऋषिकेशने फेसबुकच्या माध्यमातून पुण्यातील एका विवाहित महिलेशी मैत्री केली होती. "ईश्वराची उपासना कशी करायची, याचे तंत्र तुला शिकवतो," असे सांगून त्याने महिलेचा विश्वास संपादन केला. डिसेंबर २०२३ मध्ये त्याने पुण्यात येऊन महिलेला गुंगीचे औषध दिले आणि तिच्यावर बलात्कार केला. पीडितेने आधी वसईच्या माणिकपूर पोलीस ठाण्यात तक्रार दिली होती, जी नंतर तपासासाठी हडपसर पोलिसांकडे वर्ग करण्यात आली होती.