Gram Panchayat Election : सुप्रियाताईंना आपल्याच मतदारसंघात धक्का, अजितदादांनी उधळला गुलाल

पुणे, 06 नोव्हेंबर : राज्यातील ग्रामपंचायतींच्या निवडणुकीची मतमोजणी आज सुरू आहे.   रविवारी राज्यातील 2359 ग्रामपंचायतींच्या वीस हजारांपेक्षा अधिक जागांसाठी मतदान झालं. सध्याची राजकीय परिस्थिती पाहाता ग्रामपंचायत निकालांबाबत मोठी उत्सुकता निर्माण झाली आहे. काही ग्रामपंचायतींचे निकाल हाती आले आहेत. पुणे जिल्ह्यातल्या भोर तालुक्यात पहिला निकाल समोर आला आहे. यामध्ये खासदार सुप्रिया सुळे यांच्या मतदार संघात अजित पवार गटाचा सरपंचपदाचा उमेदवार विजयी झालाय. नाटंबी गावचा निकाल लागला असून यात अजित पवार गटाचे समर्थन असलेल्या पॅनेलचे सर्व उमेदवार विजयी झाले आहेत.