Rain in Maharashtra : विदर्भ, मराठवाड्यात पुन्हा मुसळधार पावसाची शक्यता, IMD कडून महत्त्वाचा इशारा..

पुणे : राज्यातील काही भागात मुसळधार पावसाने हजेरी लावली आहे. जोरदार पावसाने मराठवाड्यात पिकांचे नुकसान देखील झाल्याचे चित्र आहे. मात्र, यानंतरही आता पुन्हा मराठवाड्यासह विदर्भात मुसळधार पावसाची शक्यता आहे. हवामान विभागाने काही जिल्ह्यांना अलर्ट जारी केला आहे. राज्यात उद्या 4 सप्टेंबर रोजी पावसाची काय परिस्थिती असेल, याचबाबत घेतलेला हा आढावा.

राजधानी मुंबई आणि उपनगरांमध्ये ढगाळ वातावरण राहण्याची शक्यता आहे. तसेच काही भागात हलक्या स्वरुपाचा पाऊसही पडण्याची शक्यता आहे. मुंबईसह पालघर, ठाणे, डोंबिवली या ठिकाणी दिवसभर ढगाळ वातावरण राहिल, अशी शक्यता वर्तवण्यात आली आहे. उद्या मुंबईत कमाल 30°C तर किमान 21°C तापमान असेल.

पुण्यात उद्या ढगाळ वातावरणासह हलक्या पावसाची शक्यता आहे. तर काही ठिकाणी ऊन पडेल. घाटमाथ्यावर मात्र, संततधार पावसाची शक्यता हवामान विभागाने वर्तवली आहे. उद्या पुण्यात कमाल 29°C तर किमान 22°C तापमान असेल.

एकंदरीत महाराष्ट्रात मुसळधार पावसाचा अंदाज हवामान विभागाकडून वर्तवण्यात आला आहे. त्यामुळे नागरिकांनी काळजी घेण्याचे आवाहन करण्यात आले आहे.