IAS Pooja Khedkar : पूजा मॅडमचं ते प्रकरण वडिलांना भोवलं; दिलीप खेडकरांच्या अडचणीत मोठी वाढ!

पुणे, वैभव सोनवणे, प्रतिनिधी : वादग्रस्त बडतर्फ आयएएस अधिकारी पूजा खेडकर प्रकरणात अनेक धक्कादायक खुलासे आतापर्यंत समोर आले आहेत. ट्रेनी अधिकारी असताना खासगी गाडीला अंबर दिवा तसेच इतर अनेक मागण्यांमुळे पूजा खेडकर या अडचणीत आल्या होत्या. त्यानंतर त्यांचे अनेक कारनामे समोर आले. या सर्व प्रकरणाची गंभीर दखल घेऊन युपीएससीकडून त्यांच्यावर मोठी कारवाई करण्यात आली. त्यांची उमेदवारी रद्द करून त्यांना कारणे दाखवा नोटीस पाठवण्यात आली. या प्रकरणात गुन्हा दाखल झाल्यानंतर पोलीस तपासात देखील धक्कादायक माहिती समोर आली होती. पूजा खेडकर यांनी अनेकदा आपल्या नावात बदल करून युपीएससीची परीक्षा दिल्याचं समोर आलं.