पुण्यात आणखी एका अल्पवयीनाचा 'कार'नामा, 8 जणांना चिरडण्याचा प्रयत्न; VIDEO समोर

गोविंद वाकडे, आळंदी : पुण्यात कल्याणीनगर पोर्शे कार अपघातानंतर राज्यात अनेक ठिकाणी अल्पवयीनांकडून कार चालवून अपघाताच्या घटना घडल्याचं समोर आलंय. यात काहींचा मृत्यूसुद्धा झालाय. आता पुण्यातच आळंदीजवळ अल्पवयीन मुलाने महिलेसह काही लोकांच्या अंगावर कार घालून चिरडण्याचा प्रयत्न केला. जाणीवपूर्वक कार अंगावर घातल्याचा व्हिडीओ आता सोशल मीडियावर व्हायरल होत आहे. जुन्या वादाच्या रागातून हा प्रकार केला असून पोलिसात गुन्हा दाखल झाला आहे.