मतदार यादीत तुमचं नाव आहे का? मतदान केंद्र कोणतं? आता एका क्लिकवर मिळवा माहिती Video

तुमचं नाव मतदार यादीत आहे की नाही हे पाहण्यासाठी तुम्हाला कुठेही जाण्याची गरज नाही. हे तुम्ही घरबसल्या पाहू शकता. यासाठी गुगल प्ले स्टोअरवरून मताधिकार अ‍ॅप डाऊनलोड करा. अ‍ॅप उघडल्यानंतर Voter List Search या पर्यायावर क्लिक करा आणि तुमचं पूर्ण नाव किंवा ओळखपत्र क्रमांक (EPIC) टाका. नावाने शोधत असाल तर जिल्हा आणि महानगरपालिका निवडा. ओळखपत्र क्रमांक दिल्यास लगेच माहिती मिळते. या अ‍ॅपवर तुम्ही तुमचं नाव मतदार यादीत आहे की नाही पाहू शकता, तसेच तुमचं मतदान केंद्र कुठे आहे आणि प्रभागातील उमेदवार कोण आहेत, यांची माहिती मिळणार आहे.

राज्यातील महानगरपालिका निवडणुकांसाठी 3 कोटी 48 लाख 78 हजार मतदार आहेत. या सर्व मतदारांसाठी 39 हजार 147 मतदान केंद्रे तयार करण्यात आली आहेत.