Supriya Sule : 'मी पुन्हा सांगते राष्ट्रवादीत फूट..' सुप्रिया सुळे यांनी 'त्या' चर्चांना दिला पूर्ण विराम

पुढे बोलताना सुळे, म्हणाल्या, माझे आणि संजय राऊत यांचे बोलणं झालं आहे. आम्ही संभ्रम निर्माण करतोय असं मला ते म्हणाले नाहीत. पक्षांमध्ये वेगळी भूमिका घेणाऱ्याना निलंबित करण्याबाबत पत्र आम्ही विधानसभा अध्यक्षांना दिलेले आहे. मी दादांबरोवर गुप्त बैठका केलेल्या नाहीत. भावाला भेटायला गुप्तता बाळगण्याचे कारणच काय. आम्ही पारदर्शी पणे काम करतो. अजित पवारांना परत घेणार का? याविषयी बोलण्या इतपत मी मोठी नाही. शरद पवार साहेब सकाळी बोलले, तो त्यांचाच अधिकार आहे. ते आमचे सर्वोच्च नेते आहेत आमचे बॉस आहेत आणि बॉस इज ऑलवेज राईट.

अजितदादा मुख्यमंत्री होतील की नाही हे मला माहिती नाही. मला गॉसिप करायला वेळ नाही. मला कांदा टोमॅटो हा प्रश्न महत्त्वाचा आहे. त्यात मी व्यस्त असते. केंद्र तसेच राज्य सरकारमध्ये धोरण लकवा आहे. कांद्याच्या विषयावर राज्याचे कृषिमंत्री केंद्रीय मंत्र्यांना भेटायला गेले असताना ती भेट पूर्ण होण्याआधीच उपमुख्यमंत्री जपानमधून कांद्याविषयीचा निर्णय ट्विट करून घोषित करतात. कृषिमंत्री धनंजय मुंडे यांना काही माहिती नसते. अंधारात ठेवून निर्णय घेतले जातात जी घोषणा राज्याच्या मुख्यमंत्र्यांनी करायला पाहिजे की उपमुख्यमंत्री जपानमधून करतात. कशाचा कशाला मेळ नाही. हा मुख्यमंत्र्यांचा देखील अपमान असल्याचा टोला सुळे यांनी लगावला.