Pune Ganeshotsav : ऑलिम्पिकवीर स्वप्नील कुसाळे भाऊसाहेब रंगारी गणपतीच्या दर्शनाला, आरती केल्यावर व्यक्त केल्या मनातील भावना, VIDEO

पुणे : भारतातील पहिला सार्वजनिक गणपती असलेल्या श्रीमंत भाऊसाहेब रंगारी सार्वजनिक ट्रस्ट'चे बाप्पा शनिवारी मोठ्या जल्लोषात हजारो भाविकांच्या उपस्थितीत 'वरद विघ्नेश्वर वाड्यात' विराजमान झाले. मोठ्या उत्साहात साजरा होणाऱ्या या उत्सवात दररोज बाप्पाच्या चरणी अनेक जण नतमस्तक होत असतात. अशातच पॅरिस ऑलिम्पिक स्पर्धेत भारताला नेमबाजीत कांस्यपदक मिळवून देणारा नेमबाज स्वप्नील कुसाळे यानेदेखील गणेशोत्सवात पुण्यात भेट देऊन भाऊसाहेब रंगारी गणपतीची आरती केली.

पुणे शहरात सध्या सगळीकडे गणपतीची धामधूम पाहायला मिळते आहे. अनेक दिग्गज कलावंत, खेळाडू बापाचे दर्शन घेण्यासाठी पुण्यात येत आहेत. तसेच वेगवेगळ्या गणेश मंडळांना भेटी देखील देत आहेत. त्यातच कोल्हापूरचा स्वप्निल कुसाळे यानेही पुण्याच्या गणेशोत्सवात सहभागी होऊन भाऊसाहेब रंगारी गणपतीचे दर्शन घेत आरती केली.