Independence Day Special : पुण्यात साकारली ऑलम्पिक आणि वर्ल्डकप विजेत्या खेळाडूंची रांगोळी, VIDEO

पुणे : नुकतीच पॅरिस ऑलिम्पिक स्पर्धा पार पडली. या ऑलिम्पिक स्पर्धेत मनु भाकर, नीरज चोप्रा आणि इतर काही खेळाडूंनी देशाला पदक मिळवून देत देशाचा मान वाढवला. यातून प्रेरणा घेऊन पुण्यातील काही कलाकारांनी मिळवून रांगोळीच्या माध्यमातून या खेळाडूंना मानवदंना देण्याचा एक छोटासा प्रयत्न केला. पुण्यातील विमान नगर परिसरात ऐरोमॉल याठिकाणी ही रांगोळी काढण्यात आली. याचबाबत लोकल18 च्या टीमने घेतलेला हा आढावा.

नुकतीच झालेल्या पॅरिस ऑलिम्पिक स्पर्धेत भारताच्या खेळाडूंनी चांगली कामगिरी करत देशाला पदके जिंकून दिली. यामुळे देशाची मान पुन्हा एकदा उंचावली आहे. उद्या आपण सर्वजण 78 वा भारतीय स्वातंत्र्य दिवस साजरा करत आहोत. त्यानिमित्ताने रांगोळीच्या माध्यमातून खेळाडूंचे कौतुक करण्याचा प्रयत्न करत पुण्यातील 6 कलाकार युवकांनी एकत्र येत 20 ×15 फूट च्या आकारामध्ये ही रांगोळी काढली आहे. ही रांगोळी सगळ्यांचे लक्ष वेधून घेत आहे. ही रांगोळी साकरण्यासाठी 2 दिवसांचा कालावधी लागला. तर 40 किलो रांगोळी याठिकाणी वापरण्यात आली आहे.