Ajit Pawar : कार्यकर्त्यांनी दिली मुख्यमंत्री लिहिलेली पाटी, अजितदादांनी हाताने लपवलं, म्हणाले, मॅजिक फिगर...

अजित पवार आज आपला बारामती विधानसभा मतदारसंघातून उमेदवारी अर्ज दाखल करणार आहेत. उमेदवारी अर्ज दाखल करण्याआधी अजित पवार बारामतीत मोठे शक्ती प्रदर्शन करणार आहेत. बारामती येथील कसबा येथील चौकातून अजित पवारांच्या रॅलीला सुरुवात होईल. सकाळी साडेनऊ वाजता डॉक्टर बाबासाहेब आंबेडकर आणि छत्रपती शिवाजी महाराज यांच्या पुतळ्याला अभिवादन करून रॅलीला सुरुवात होणार आहे. तर दुपारी एक ते दीड च्या दरम्यान अजित पवार आपला उमेदवारी अर्ज दाखल करतील. त्यानंतर बारामती तालुक्यातील कनेरी येथील मारुतीच्या मंदिरात नारळ वाढवून प्रचाराचा शुभारंभ करतील.